Mumbai Local : CSMT स्थानकात क्लिनिंग मशीन ट्रॅकवर पडली अन् मोटारमॅनने जागीच थांबवली ट्रेन.. पुढे काय झालं बघा

मुंबईतून एक मोठी बातमी समोर येत आहे. मुंबईतील छत्रपती शिवाजी महाराज टर्मिनस अर्थात सीएसएमटी रेल्वे स्थानकावर समोरून ट्रेन येत असताना प्लॅटफॉर्म स्वच्छ करणारं मशीन ट्रॅकवर पडल्याची घटना घडली. मात्र मोटरमॅनने जागीच लोकल थांबवली आणि मोठा अनर्थ टळल्याचे पाहायला मिळाले. छत्रपती शिवाजी महाराज टर्मिनस रेल्वे स्थानकावरील प्लॅटफॉर्म क्रमांक ७ वर ही घटना घडली. मिळालेल्या माहितीनुसार, प्लॅटफॉर्म स्वच्छ करण्यासाठी वापरण्यात येणारी मशीन अचानक रेल्वे रुळावर पडली. या मशीनमध्ये इलेक्ट्रिक बॅटरीचा समावेश असतो. मात्र सुदैवाने कोणतीही मोठी घटना घडली नाही. ही मशीन ट्रॅकवर पडल्याचे लक्षात येताच तातडीने रेल्वे पोलीस दाखल झाले आणि रेल्वे सफाई आणि इतर कर्मचाऱ्याच्या मदतीने ही मशीन हटवण्यात आली.