MNS News : मनसेची मान्यता रद्द करण्याची याचिका सुप्रीम कोर्टात दाखल

महाराष्ट्र नवनिर्माण सेनेची मान्यता निवडणूक आयोगाने रद्द करण्याची मागणी करण्यात आली आहे. मनसे अध्यक्ष राज ठाकरे यांच्या विरोधात सुप्रीम कोर्टात याचिका दाखल करण्यात आलेली आहे. हिन्दी भाषिकांवर मनसे कार्यकर्ते हल्ला करत असल्याचा उल्लेख या याचिकेमध्ये करण्यात आलेला आहे. राज ठाकरे यांच्या भडकाऊ भाषणांमुळे असे हल्ले होत असल्याचा आरोप याचिकाकर्ते सुनिल शुक्ला यांनी केला आहे. सुनिल शुक्ला हे उत्तर भारतीय विकास सेना प्रामुख आहेत. चिराग पासवान यांच्या लोक जनशक्ती पक्षाचे खासदार राजेश वर्मा यांच्याकडून देखील हिन्दी भाषिकांवरील हल्ल्याचा मुद्दा संसदेत उपस्थित करण्यात आला आहे.