Ayodhya : अयोध्येत राम मंदिरावर मोदींच्या हस्ते ध्वजारोहण, पहिल्यांदाच राम-सीता विवाह अन् 8 हजार विशेष निमंत्रण, असा होणार भव्य सोहळा

अयोध्येत आज राम मंदिरावर पंतप्रधान नरेंद्र मोदी यांच्या हस्ते ध्वजारोहण करण्यात आले. हा एक भव्य दिव्य सोहळा होता, ज्यासाठी सरसंघचालक मोहन भागवत यांच्यासह देशभरातील आठ हजार विशेष पाहुण्यांना निमंत्रण देण्यात आले होते. दुपारी १२ ते १२:३० या शुभ मुहूर्तावर राम मंदिरावर ध्वज फडकवला गेला. रामलल्लाच्या प्राणप्रतिष्ठापनेच्या एक वर्ष नऊ महिन्यानंतर या मंदिराचे बांधकाम आता पूर्ण झाले आहे. या घटनेमुळे संपूर्ण अयोध्या नगरीमध्ये आनंदाची लाट उसळली आहे. या प्रसंगी, देशात शांतता, हिंदू-मुस्लिमांमध्ये भाईचारा आणि देशाची प्रगती व्हावी, अशी मनोकामना व्यक्त करण्यात आली. राम मंदिराचे काम पूर्ण झाल्यामुळे भाजपने आज ‘घर-घर राम’ अभियान राबवले, ज्यामध्ये मुख्यमंत्र्यांनी प्रत्येक घरावर भगवा ध्वज फडकवण्याचे आवाहन केले.