एकनाथ शिंदे गटाचे प्रतापराव जाधव यांनी घेतली शपथ

मोदी 3.0 एनडीएच्या सरकारचा शपथविधी सोहळा राष्ट्रपती भवनाच्या प्रांगणात सुरु आहे. या सोहळ्याला जगभरातून मान्यवर मंडळी आली आहेत. या सोहळ्यात एकनाथ शिंदे गटाचे बुलढाण्याचे खासदार प्रतापराव जाधव यांनी केंद्रीय मंत्रीपदाची शपथ घेतली आहे. एकनाथ शिंदे यांनी कमी जागा लढवित जास्त यश मिळविले आहे. एकनाथ शिंदे यांच्या पूत्र श्रीकांत शिंदे यांना केंद्रीय मंत्रिमंडळात स्थान मिळणार असे म्हटले जात होते. परंतू श्रीकांत शिंदे यांनी आपण पक्ष वाढविण्याचे काम करणार असल्याचे म्हटले आहे. त्यांनी राजा बेटा राजा नही बनेगा असे म्हणत अप्रत्यक्षपणे उद्धव ठाकरे यांच्यावर टीका केली आहे. बाळासाहेब ठाकरे यांच्या विचारांप्रमाणे प्रतापराव जाधव यांच्या रुपात एका शिवसैनिकालाच पंतप्रधान नरेंद्र मोदी यांनी केंद्रीय मंत्रिमंडळात स्थान दिले असल्याचे मुख्यमंत्री एकनाथ शिंदे यांनी म्हटले आहे. प्रतापराव जाधव यांचा जन्म 25 नोव्हेंबर 1960 रोजी बुलढाणा तालुक्यातील मेहकर येथे झाला. प्रतापराव जाधव यांनी सरपंचपदापासून आपल्या राजकीय कारकीर्दीला सुरूवात केली होती. प्रतापराव जाधव यांनी सलग तिसऱ्यांदा बुलढाणा लोकसभा मतदारसंघातून विजय मिळवला आहे. प्रतापराव जाधव यांनी आमदारकी आणि खासदारकी दोन्हीची हॅटट्रिक करण्याचा पराक्रम केला आहे.