पुण्यातील धायरी परिसरात केमिकल कंपनीला भीषण आग; पाहा व्हीडिओ…

पुणे : पुण्यातील धायरी परिसरात केमिकल कंपनीला भीषण आग लागल्याची घटना समोर आली आहे. धायरीतील गणेश नगरमधल्या गल्ली क्रमांक 22 मधल्या एका कारखान्यात ही आग लागली आहे. आग लागली तेव्हा कंपनीत मोठे स्फोट झाले. या आगीमुळे परिसरात मोठ्या प्रमाणात धूराचे लोट पाहायला मिळाले. शॉट सर्किटमुळे ही आग लागल्याची माहिती आहे. पुणे आणि पीएमआरडीए अग्निशमन दलाची 10 वाहनं दाखल घटनास्थळी दाखल झाली. आगीवर नियंत्रण मिळवण्यासाठीचे अतोनात प्रयत्न केले. या आगीत विविध प्रकारचे 6 छोटे कारखाने जळून खाक झालेत. घटनास्थळी सिलेंडरचे आणि केमिकल बॅरलचे 8-10 स्फोट झाले आहेत. पुणे आणि पीएमआरडीएच्या 10 वाहनांच्या साह्याने जवानांनी आग पूर्ण विझवली आहे. या आगीत कुणीही जखमी झालेलं नाही. तसंच जिवितहानीही झालेली नाही.