Video: पुण्यात 28 तासांपासून तुफान गर्दी, डान्स अन् गाणं सुरूच…लांबलेल्या गणेश विसर्जन मिरवणुकांमध्ये काय घडतंय?

पुण्यातील गणेश विसर्जन मिरवणुका 28 तासांहून अधिक काळ डीजेच्या दणदणाटासह सुरूच आहेत, ज्यामुळे एक धक्कादायक चित्र निर्माण झाले आहे. शहरातील 100 हून अधिक गणेश मंडळे अद्यापही विसर्जनाच्या प्रतीक्षेत आहेत. विशेष म्हणजे, पुणे पोलीस आयुक्त अमितेश कुमार आणि इतर वरिष्ठ पोलीस अधिकारी उपस्थित असतानाही डीजेचा दणदणाट सुरूच आहे.

सकाळपासून अलका टॉकीज चौकात सुरू असलेल्या या मिरवणुकीत, डीजे मध्यरात्री बंद होऊन सकाळी 6 वाजता पुन्हा सुरू झाल्याचे दिसून आले. विधान बापट यांनी डीजेच्या मुद्द्यावर आवाज उचलला असतानाही, मंडळांकडून त्यांच्या मागणीकडे दुर्लक्ष करण्यात आले. समोर आलेल्या माहितीनुसार, पोलीस प्रशासनाच्या उपस्थितीतही मोठ्या आवाजातील डीजे वाजवले जात आहेत, ही बाब सध्या चर्चेचा विषय ठरली आहे. पुणे शहर गणेशोत्सवातील या अभूतपूर्व विसर्जन मिरवणुकांकडे सर्वांचे लक्ष वेधले आहे.