हसन मुश्रीफ यांच्यावर नेमके कोणते आरोप आहेत? वाचा…

Hasan Mushrif House ED Raid : अप्पासाहेब नलावडे गडहिंग्लज सहकारी साखर कारखाना अवसायनात काढण्यात आला. हा कारखाना मुश्रीफांचे जावई मतीन मंगोलींच्या ब्रिस्क इंडिया कंपनीला विकण्यात आल्याचा आरोप मुश्रीफ यांच्यावर आहे. ब्रिस्क इंडिया कंपनीत कोलकाता येथील बंद पडलेल्या कंपन्यांच्या नावाने बोगस खाती तयार करण्यात आली. खात्यामध्ये पैसे टाकण्यात आले आणि ब्रिस्क इंडिया कंपनीत वळते केल्याचा आरोप आहे. कारखान्यासाठी कोल्हापूर जिल्हा सहकारी बँकेने योग्य लिलाव केला नसल्याचा, मुश्रीफ आणि त्यांचे जावई यांनी मिळून हा 100 कोटींचा घोटाळा केला, आरोप मुश्रीफ यांच्यावर लावण्यात आला आहे.