निलेश घायवळांची निर्दोष मुक्तता; तक्रारदाराच्या माघारीनंतर मकोका न्यायालयाचा मोठा निर्णय!

पुण्यातून एक महत्त्वाची बातमी समोर आली आहे. पुणे शहरातील कुख्यात निलेश घायवळ आणि त्याच्या इतर साथीदारांची विशेष मकोका न्यायालयाने खंडणीच्या गुन्ह्यातून निर्दोष मुक्तता केली आहे. या निर्णयामुळे निलेश घायवळला मोठा दिलासा मिळाला आहे. मिळालेल्या माहितीनुसार, निलेश घायवळ कारागृहात असतानाच त्याच्यावर खंडणीचा हा खटला दाखल करण्यात आला होता.

मात्र, या प्रकरणातील महत्त्वाचे वळण म्हणजे तक्रारदाराने न्यायालयात आपली तक्रार मागे घेतली. तक्रारदाराने माघार घेतल्यामुळे विशेष मकोका न्यायालयाने निलेश घायवळ आणि त्याच्या साथीदारांना या गुन्ह्यातून निर्दोष मुक्त करण्याचा निर्णय दिला. न्यायालयाच्या या आदेशानंतर निलेश घायवळवरील खंडणीच्या गुन्ह्याचे आरोप सिद्ध होऊ शकले नाहीत, त्यामुळे त्यांची कायदेशीररित्या निर्दोष मुक्तता झाली आहे.