बिहारमध्ये मत हक्क यात्रा; आम्ही मतचोरी कशी होते, हे.. राहुल गांधींचं मोठं विधान

बिहारमध्ये विशेष तीव्र मतदार यादी संशोधन (एसआयआर) विरोधात काँग्रेस नेते राहुल गांधी यांनी सासाराम येथून ‘वोटर अधिकार यात्रा’ सुरू केली आहे. 17 दिवस चालणाऱ्या या यात्रेच्या पहिल्या दिवशी सासाराममधील सुआरा विमानतळ मैदानावर एका भव्य जाहीर सभेचे आयोजन करण्यात आले होते. या सभेत राहुल गांधी म्हणाले, ही संविधान वाचवण्याची लढाई आहे. भाजप आणि आरएसएस देशभरात संविधान नष्ट करण्याचा डाव आखत आहेत. जिथे जिथे निवडणुका होतात, तिथे ते विजय मिळवतात, पण त्यामागे कट आहे.

त्यांनी पुढे सांगितले, महाराष्ट्रातील जनमत चाचण्यांनुसार महायुती निवडणुका जिंकेल, असे सांगितले जात होते. लोकसभा निवडणुकीत महायुती विजयी झाली, पण अवघ्या चार महिन्यांत त्याच भागात आम्ही हरलो. चौकशी केली असता आम्हाला कळले की, एक कोटी नवीन मतदार जणू जादूने तयार झाले. बिहारची जनता मत चोरीला खपवून घेणार नाही. कारण मतदानाचा अधिकार फक्त गरीब आणि कमकुवत लोकांना आहे. निवडणूक आयोग काय करत आहे, हे सर्वांना माहीत आहे. आम्ही त्यांना असे करू देणार नाही, असेही ते म्हणाले. राहुल गांधींनी पंतप्रधान नरेंद्र मोदी आणि एनडीएवर टीका करताना म्हटले, मोदी आणि एनडीए अब्जाधीशांसोबत सरकार चालवतात. तुमची सारी संपत्ती ५-६ अब्जाधीशांना दिली जाते.