Thackeray Brothers Alliance : मुंबईत महापौर कोणाचा अन् कोण होणार? युतीची घोषणा करताच राज ठाकरे यांनी थेट म्हटलं…

राज ठाकरे यांनी मनसे आणि ठाकरे गटाच्या शिवसेनेच्या बहुप्रतिक्षित युतीची घोषणा केली आहे. मुंबई महानगरपालिका निवडणुकीच्या (BMC Election) पार्श्वभूमीवर ही युती अत्यंत महत्त्वाची मानली जात आहे. राज ठाकरे यांनी पत्रकार परिषदेत स्पष्ट केले की, मनसे आणि शिवसेना (ठाकरे गट) एकत्र निवडणूक लढवणार आहेत. महापौर मराठीच, आणि आमचाच होणार ही भूमिका या युतीमधून अधिक बळकट होणार असल्याचे संकेत मिळत आहेत. यावेळी, राज ठाकरे यांनी जागावाटपाचे सूत्र तात्काळ जाहीर न करण्याचा निर्णय घेतला. मागील अनुभवांचा दाखला देत, त्यांनी या संदर्भात आधी घोषणा करून नंतर काय होते, याचा उल्लेख केला. उद्धव ठाकरे यांनी यापूर्वी व्यासपीठावरून युतीचे संकेत दिले होते. राज ठाकरे यांनी माध्यमांना आवाहन केले की, ज्यांचे मुंबईवर, महाराष्ट्रावर आणि मराठी माणसावर प्रेम आहे, त्यांनी या युतीच्या पाठीशी उभे राहावे. ही युती आगामी सर्व निवडणुकांमध्ये एकत्र लढणार असल्याचेही त्यांनी जाहीर केले.