Parth Pawar Land Deal : लपवा-छपवीचा कांड, त्यांचेच बगलबच्चे… पार्थ पवारांकडून चूक झाली, आता… धंगेकरांकडून कारवाईची मागणी

आमदार रवींद्र धंगेकर यांनी पार्थ पवार यांच्याशी संबंधित एका कथित जमीन व्यवहार प्रकरणी कठोर कारवाईची मागणी केली आहे. या व्यवहारात देण्यात आलेले कुलमुखत्यार पत्र बोगस असून, संबंधित जमीन ज्यांच्या नावावर नव्हती, त्यांना ते दिल्याचे धंगेकर यांनी म्हटले आहे. या व्यवहारात सातबारा नसतानाही मोठा व्यवहार झाल्याने संपूर्ण यंत्रणेच्या कार्यक्षमतेवर त्यांनी प्रश्नचिन्ह उपस्थित केले.

धंगेकर यांनी स्पष्ट केले की, मुख्यमंत्र्यांनी काही जणांवर गुन्हे दाखल केले असले तरी, पार्थ पवार यांच्यावर कारवाई न होणे धक्कादायक आहे. त्यांनी या प्रकरणाची जैन बोर्डिंग घोटाळ्याशी तुलना करत, दोन्ही प्रकरणांमध्ये समान न्याय मिळावा अशी मागणी केली. चूक झाली असेल तर माफी नसावी, असे सांगत पार्थ पवार यांच्यावर गुन्हा दाखल होण्याची आवश्यकता त्यांनी अधोरेखित केली. तसेच, या प्रकरणी अंमलबजावणी संचालनालया (ईडी) मार्फत सखोल चौकशी व्हावी, अशी मागणीही त्यांनी केली. केवळ व्यवहार रद्द करणे पुरेसे नसून, कडक कारवाईची गरज असल्याचे धंगेकर यांनी नमूद केले.