हातात फलक, पोलीस ठाण्याबाहेर ठिय्या! बारामतीत अजितदादांचे कार्यकर्ते आक्रमक

दिवंगत उपमुख्यमंत्री अजित पवार यांच्या निधनासंदर्भात चौकशीची मागणी करत आमदार रोहित पवार आज बारामती तालुका पोलीस ठाण्यात तक्रार दाखल करण्यासाठी दाखल होणार आहेत. काल मुंबईतील मरीन ड्राईव्ह पोलीस ठाण्यात हा गुन्हा दाखल होऊ शकला नाही. रोहित पवारांच्या मागणीला पाठिंबा देण्यासाठी मोठ्या संख्येने अजित दादा समर्थक आणि पवार प्रेमींनी पोलीस ठाण्याबाहेर गर्दी केली आहे.

या घटनेला महिना उलटूनही अद्याप गुन्हा दाखल न झाल्याने समर्थकांमध्ये तीव्र नाराजी आहे. अनेकांनी हा अपघात नसून घातपात असल्याची शक्यता वर्तवली आहे. बारामतीकरांची भावना आहे की अजित दादांनी बारामती आणि महाराष्ट्रासाठी मोठे योगदान दिले आहे, त्यामुळे त्यांच्या निधनामागचे सत्य समोर यावे. पोलीस प्रशासनाने निष्पक्षपणे चौकशी करून न्याय द्यावा, अशी त्यांची मागणी आहे.