काँग्रेसकडून रोहित टिळक यांना उमेदवारीचा प्रस्ताव होता पण…; रोहित पवार यांचं कसबा पोटनिवडणुकीबाबत महत्वाचं वक्तव्य

सोलापूर : कर्जत जामखेडचे राष्ट्रवादीचे आमदार रोहित पवार यांनी कसबा पोटनिवडणुकीवर भाष्य केलंय. दोन्ही मतदारसंघात जनतेची भाजपवर नाराजी आहे. भाजपचे कसब्यातील समीकरण फसलेलं आहे. त्याचा फटका त्यांना बसेल. पिंपरी चिंचवड मध्ये उमेदवाराला नाही मात्र भाजप आहे म्हणून फटका बसेल. दोन्ही मतदारसंघात परिवर्तन झालेले आपल्याला पाहायला मिळेल, असं रोहित पवार म्हणालेत. रोहित टिळकांना काँग्रेसकडून उमेदवारीचा प्रस्ताव केलेला होता मात्र त्यांनी तो नाकारल्याची माहिती आहे. भाजपने कसब्यातले जे समीकरण केलं आहे. रासनेंना उमेदवारी दिली आहे. ते यशस्वी ठरलं तर या पुढच्या काळामध्ये तेच समीकरण या पुढच्या काळात राबवलं जाईल. मात्र भाजपने तसं समीकरण राबवलं तर कसब्यातले मतदार भाजपसोबत राहणार नाहीत, असंही रोहित म्हणालेत.