सर्वांच्याच नजरा खिळल्या; चाकणकरांच्या कोट्यावधींच्या हॉटेल उद्घाटनात बड्या नेत्याची हजेरी

राज्य महिला आयोगाच्या माजी अध्यक्षा रूपाली चाकणकर यांनी आता हॉटेल व्यवसायात प्रवेश केला आहे. पुण्यामध्ये त्यांनी द नाईन्स या नावाने आपले नवे हॉटेल सुरू केले आहे. दोन दिवसांपूर्वी या हॉटेलचे उद्घाटन मोठ्या थाटामाटात पार पडले. या उद्घाटनाला राष्ट्रवादी काँग्रेस (शरद पवार गट) पक्षाचे आमदार जयंत पाटील आणि आमदार सुनील शेळके यांच्यासह अनेक प्रमुख नेते उपस्थित होते. आमदार जयंत पाटील यांच्या उपस्थितीमुळे राजकीय वर्तुळात जोरदार चर्चा सुरू झाली आहे.

या घटनेनंतर काँग्रेसच्या नेत्या संगीता तिवारी यांनी सोशल मीडियावर पोस्ट करून रूपाली चाकणकर यांच्यावर टीकेची झोड उठवली आहे. संगीता तिवारी यांनी या हॉटेलसाठी तब्बल ३५ कोटी रुपये खर्च आल्याचा आरोप केला आहे. या आरोपामुळे द नाईन्स हॉटेलच्या उद्घाटनाभोवती राजकीय वादळ निर्माण झाले आहे. टीव्ही ९ मराठीने ही बातमी दिली आहे.