मराठा समाजानंं पुढाकार घेऊन केली गांधीगिरी, थेट रस्त्यावर उतरून टोमॅटोची विक्री!

नागूपर, ७ ऑगस्ट २०२३ | टोमॅटोचे दर गगनाला भिडले असून दोनशे ते अडीचशे रुपये किलो पर्यंत पोहोचले आहेत. त्यामुळे सामान्य माणसाला टोमॅटो घेणं कठीण झालंय. मात्र त्यावर ना सरकार ना कोणीच काही बोलताना दिसत नाही. त्यामुळे मराठा समाजाने पुढाकार घेत गांधीगिरी सुरू केली. मराठा समाजाकडून काल, रविवारी नागपूरच्या महाल परिसरातील शिवाजी महाराजांच्या पुतळ्याजवळ 90 रुपये किलो भावाने टोमॅटोची विक्री सुरू केली. विक्री सुरू होताच टोमॅटो घेण्यासाठी या ठिकाणी नागरिकांना लांबच लांब रांगा सुद्धा लागल्या. 90 रुपये किलो भावाने टोमॅटो मिळत असल्याचा आनंद लोकांच्या चेहऱ्यावर दिसत होता तर मराठा समाज मात्र गांधीगिरी करत आम्ही जर 90 रुपये किलोच्या भावाने टोमॅटो जनतेला देऊ शकतो तर मग सरकार का करत नाही, असा प्रश्न मराठा समाजाने उपस्थित केला.