संजय पवार माझा लाडका कार्यकर्ता – संभाजी राजे
राज्यसभेचे माजी खासदार संभाजी राजे छत्रपती राज्यसभेची निवडणूक लढवणार नाहीत, हे आता स्पष्ट झालंय. मुंबईत त्यांनी याबाबतची मोठी घोषणा केली.
मुंबई : राज्यसभेचे माजी खासदार संभाजी राजे छत्रपती राज्यसभेची निवडणूक लढवणार नाहीत, हे आता स्पष्ट झालंय. मुंबईत त्यांनी याबाबतची मोठी घोषणा केली. सोबत त्यांनी अनेक मुद्द्यांवर भाष्य केलंय. संभाजी राजे छत्रपती यांनी राज्यसभा निवडणुकीच्या पार्श्वभूमीवर पत्रकार परिषद घेतली. अपक्ष निवडणूक लढवण्याची घोषणा केल्यानंतर मला शिवसेनेकडून ऑफर आली होती. पण ही ऑफर मी नाकारली. शिवसेनेने मला पुरस्कृत अपक्ष उमेदवार म्हणून घोषित करावं, असा प्रस्ताव मी दिला होता. त्यावर चर्चा झाली. बैठका झाल्या. हा प्रस्ताव पुढे सरकत असतानाच मध्येच संजय पवार यांना उमेदवारी देण्यात आल्याच्या बातम्यांनी मीही हादरलो. मलाही दुःख झालं, असं संभाजी राजे यांनी म्हटलंय. संभाजी राजेंनी या पत्रकार परिषदेत अनेक गोष्टींवर आपली बाजू मांडली.
Latest Videos
Latest News