Sant Tukaram Maharaj Palkhi : संत तुकाराम महाराज पालखी सोलापुरात दाखल; डोळ्याचं पारणं फेडणारा रिंगण सोहळा

संत तुकाराम महाराजांच्या पालखी सोहळ्यातलं तिसरं रिंगण आज सोलापूरच्या अकलूजमध्ये पार पडत आहे. हा सोहळा पाहण्यासाठी वारकऱ्यांसह नागरिकांनी देखील मोठ्या संख्येने गर्दी केली आहे. अकलूजमधल्या माने विद्यालयाच्या प्रांगणात हा सोहळा पार असून संपूर्ण परिसर हा ‘पुंडलीक वरदे हरी विठ्ठल, श्री ज्ञानदेव तुकारामा’च्या जायघोषणे दुमदुमून निघाला आहे.

संत तुकाराम महाराज पालखी सोहळ्याने आज सोलापुरात प्रवेश केला आहे. जिल्हा प्रवेशानंतर अकलूज येथील सदाशिवराव माने विद्यालयाच्या प्रांगणात गोल रिंगण पार पडलं. पालखीचं सोलापूर जिल्ह्यातील हे पहिलं गोल रिंगण आहे. यावेळी पताका, हांडे-तुळशी, विणेकरी, मृदंग आणि टाळकरी यांचं रिंगण झालं. त्यानंतर अश्व रिंगण झालं. अश्वाचं रिंगणी धावणे उपस्थितांना याची दही याची डोळा बघणे हे देखील पर्वणीच असते.