Satara Doctor Case: अंगावर वर्दी नाही तरीही रस्त्यावर…. आरोपी PSI बदनेच्या जुन्या Video नं खळबळ

सातारा महिला डॉक्टर मृत्यू प्रकरणासंदर्भात एक महत्त्वपूर्ण बातमी समोर आली आहे. या प्रकरणातील संशयित आरोपी पीएसआय गोपाल बदने याचा एक जुना व्हिडीओ सध्या सोशल मीडियावर व्हायरल होत आहे. या व्हिडीओमुळे प्रकरणातील काही नवीन पैलू समोर येण्याची शक्यता वर्तवली जात आहे.

माहितीनुसार, व्हायरल झालेल्या या व्हिडीओमध्ये पीएसआय गोपाल बदने हा वर्दीवर नसताना दिसत आहे. तो रस्त्यावर गाड्या थांबवून वाहनचालकांची चौकशी करताना कैद झाला आहे. वर्दीवर नसतानाही बदनेने वाहनचालकांना थांबवून त्यांच्याशी संवाद साधला, अशी माहिती या व्हिडीओतून मिळत आहे.

हा व्हिडीओ समोर आल्यानंतर विविध चर्चांना उधाण आले आहे. सातारा आणि विशेषतः फलटण येथील महिला डॉक्टर मृत्यू प्रकरणी सुरू असलेल्या तपासात या व्हिडीओमुळे आणखी माहिती पुढे येऊ शकते. पोलीस प्रशासनाकडून या व्हिडीओवर काय प्रतिक्रिया येते, हे पाहणे महत्त्वाचे ठरेल. सध्या, या जुन्या व्हिडीओची सत्यता आणि त्याचे प्रकरणाशी असलेले संबंध तपासले जात आहेत.