Sharad Pawar | अचानक हॉस्पिटलमध्ये दाखल झाले शरद पवार; नेमकं कारण काय?

राष्ट्रवादी काँग्रेसचे अध्यक्ष आणि ज्येष्ठ नेते शरद पवार यांना मुंबईतील ब्रीच कँडी रुग्णालयात दाखल करण्यात आल्याची माहिती समोर आली आहे. मात्र त्यांच्या प्रकृतीबाबत कोणतीही गंभीर बाब नसून ते रुटीन चेकअपसाठी रुग्णालयात दाखल झाल्याचं सूत्रांनी स्पष्ट केलं आहे.

मिळालेल्या माहितीनुसार, वाढते वय आणि सातत्याने सुरू असलेला राजकीय तसेच सामाजिक दौरा लक्षात घेता डॉक्टरांच्या सल्ल्यानुसार शरद पवार यांच्या काही नियमित वैद्यकीय चाचण्या करण्यात येणार आहेत. यासाठी त्यांना ब्रीच कँडी रुग्णालयात नेण्यात आलं आहे.

दरम्यान, शरद पवार यांच्या प्रकृतीबाबत कोणतीही चिंतेची बाब नसल्याचं सांगण्यात येत असून सर्व तपासण्या पूर्ण झाल्यानंतर त्यांना लवकरच रुग्णालयातून डिस्चार्ज मिळण्याची शक्यता आहे. पक्षाचे नेते, कार्यकर्ते आणि समर्थकांनी कोणतीही अफवा पसरवू नये किंवा चिंता करू नये, असंही सूत्रांकडून सांगण्यात आलं आहे.