Parth Pawar Land Scam : पार्थ पवार जमीन घोटाळ्याप्रकरणी मोठी अपडेट, शीतल तेजवानीला बेड्या, मोठा खुलासा होणार?

पुण्यातील जमीन गैरव्यवहार प्रकरणी शीतल तेजवानीला आर्थिक गुन्हे शाखेने अटक केली आहे. पार्थ पवार यांच्या कंपनीला तेजवानीकडून बेकायदेशीरपणे जमीन विक्री करण्यात आल्याचा आरोप आहे. अमेडिया कंपनीने खरेदी केलेल्या कोरेगाव पार्कमधील जमिनीबाबत हा गैरव्यवहार झाला आहे. शीतल तेजवानीच्या नावावर पॉवर ऑफ ॲटर्नी होती. या अधिकाराचा वापर करून तिने शासकीय जमीन एका खासगी कंपनीच्या नावावर केली, असा पोलिसांचा आरोप आहे. आर्थिक गुन्हे शाखेने तेजवानीला दोन वेळा चौकशीसाठी बोलावले होते, मात्र तिने मूळ कागदपत्रे सादर केली नाहीत. तपासात तेजवानीने शासनाची फसवणूक केल्याचे आणि खोटी कागदपत्रे वापरून जमिनीची खरेदी केल्याचे स्पष्ट झाले आहे. या प्रकरणातील मुख्य आरोपी असलेल्या शीतल तेजवानीला अखेर अटक करण्यात आली असून, पुढील कारवाई सुरू आहे.