जनतेने त्यांना त्यांची जागा दाखवली! फडणवीसांचा विरोधकांना टोला

मुख्यमंत्री देवेंद्र फडणवीस यांनी विधानसभा आणि विधान परिषदेतील आपल्या भाषणात विरोधकांवर सडकून टीका केली. ज्यांचे आयुष्य एका परिवाराच्या गुलामीमध्ये गेले, त्यांना देश कसा चालवतात याची माहिती नाही, असे ते म्हणाले. मोदी सरकारने भारताची ऊर्जा सुरक्षा सुनिश्चित केली असून, टॅरिफ युद्धातही भारत मागे हटला नाही, असे त्यांनी स्पष्ट केले.

फडणवीस यांनी जनतेला अफवांवर विश्वास न ठेवण्याचे आवाहन केले. युद्धासारख्या आंतरराष्ट्रीय परिस्थितीमुळे निर्माण झालेल्या समस्या केंद्र सरकार योग्य प्रकारे हाताळत आहे. अफवांमुळे साठेबाजी वाढून मागणी-पुरवठ्याची साखळी तुटते, ज्यामुळे देशाला त्रास होऊ शकतो. माध्यमांनीही पुष्टी नसलेल्या बातम्या दाखवून जनतेत भीतीचे वातावरण निर्माण करू नये, असे आवाहन त्यांनी केले. जनतेने विरोधकांना स्थानिक स्वराज्य संस्थांच्या निवडणुकांमध्ये नाकारले असून, सरकारने निवडणूक जिंकल्यानंतर कर्जमाफी केली, असे फडणवीस यांनी सांगितले.