जे बोलणार ते 19 मार्चलाच! राज ठाकरेंनी रायगडावर बोलताना व्यक्त केलं मत

महाराष्ट्र नवनिर्माण सेनेच्या (मनसे) 20 व्या वर्धापन दिनानिमित्त मनसे अध्यक्ष राज ठाकरे यांनी 19 मार्च रोजी गुढीपाडव्याला शिवतीर्थावर भव्य मेळावा आयोजित केल्याची घोषणा केली. या मेळाव्यातच आपण सविस्तर बोलणार असल्याचे त्यांनी स्पष्ट केले. तसेच, 9 मार्च रोजी वर्धापन दिनापासून पक्ष सदस्य नोंदणी अभियानाची सुरुवात करण्यात आली आहे.

रायगडावरून महाराष्ट्र सैनिकांना उद्देशून केलेल्या भाषणात राज ठाकरे यांनी आवाहन केले की, महाराष्ट्रातील शाळा, महाविद्यालये, मंदिरे आणि बाजारपेठा अशा वर्दळीच्या ठिकाणी सदस्य नोंदणीसाठी स्टॉल्स लावावेत. अनेक नागरिक पक्षाचे सक्रिय सदस्य होण्यास इच्छुक असून, त्यांच्यापर्यंत पोहोचून त्यांना सदस्य करून घेण्याचे निर्देश त्यांनी दिले. 19 मार्चच्या मेळाव्याला मोठ्या संख्येने उपस्थित राहण्याचे आवाहनही त्यांनी केले.