यवतमाळमध्ये शिवसैनिक आक्रमक; खासदार भावना गवळीचा पुतळा जाळून निषेध

यवतमाळ – शिवसेनेच्या बंडखोर गटात दाखल झालेल्या खासदार भावना गवळी(Bhavana Gavali) यांच्या विरोधात शिवसैनिक आक्रमक झाले आहेत. संतापलेल्या आंदोलकांनी खासदार भावना गवळी यांच्या प्रतिकात्मक पुतळ्याचे दहन करत निषेध केला. यावेळी त्यांना थांबवण्याचा प्रयत्न करणाऱ्या पोलिसांशीही(Police) आंदोलकांनी बाचाबाची केली. यावेळी संतापलेल्या आंदोलकांनी पोलिसांना तुम्ही आमच्याशी माणुसकीने बोला आम्ही लहान लोक नाही आहोत असे खडे बोल सुनावले. तुमच्या अंगावर वर्दी आहे याचा अर्थ असा नाही की तुम्ही काही करा असेही म्हटले. पोलिसांनी आंदोलन (Andolan)मोडीत काढण्याचा प्रयत्न केल्याने बाचाबाची घटना घडली.