कोरोना काळात भारताने स्वत:सोबत जगालाही वाचवलं -पंतप्रधान नरेंद्र मोदी

पंतप्रधान नरेंद्र मोदी यांनी नुकतेच आपल्या 25 वर्षांच्या सार्वजनिक सेवेवर भाष्य केले. कोरोना महामारीच्या कठीण काळात भारताने केवळ स्वतःलाच वाचवले नाही, तर जगालाही आधार दिला, असे त्यांनी अधोरेखित केले. त्यांच्या मते, या संकटात भारताच्या सामर्थ्याची जगभरात चर्चा झाली. 2014 मध्ये पंतप्रधान म्हणून देशाला सेवा करण्याची संधी मिळाल्याचे सांगताना, जनतेला त्यांनी ईश्वराचे रूप मानले. 2014 पूर्वी देशाच्या विकासाची गती मंद होती, परंतु आता प्रत्येक क्षेत्रात भारताचा तिरंगा दिमाखात फडकत आहे. देशाने मला खूप काही दिले आहे, असे म्हणत त्यांनी आपल्या आजवरच्या यशात देशवासियांचा मोठा वाटा असल्याचे नमूद केले. कोरोना काळात भारताने स्वत:सोबत जगालाही वाचवलं असेही त्यांनी सांगितले.

भविष्यातील आव्हानांसाठी आजच काम करण्याची गरज त्यांनी व्यक्त केली. सबका साथ, सबका विकास हाच आपला मंत्र असल्याचे सांगत, देशाच्या प्राचीन गौरवाला पुनर्जीवित करण्याची इच्छा त्यांनी बोलून दाखवली. 2015 ते 2025 पर्यंत कृषी क्षेत्रात मोठा विकास झाल्याचेही त्यांनी सांगितले. 2047 पर्यंत भारताला विकसित भारत बनवण्याचा दृढनिश्चय व्यक्त करताना, आत्मनिर्भर भारत – WE WILL DO IT असा विश्वास त्यांनी दिला. सरकार चालवण्याचा अनुभव नसतानाही जनतेने ठेवलेला विश्वास हेच आपले सामर्थ्य असल्याचे मोदींनी नमूद केले. शत्रूंना त्यांची ताकद दाखवत घरात घुसून दहशतवाद्यांना मारल्याचेही त्यांनी स्पष्ट केले.