Pratap Sarnaik : मंत्री प्रताप सरनाईक ऐन दिवाळीत शरद पवारांच्या सिल्व्हर ओक निवासस्थानी, भेटीचं कारण नेमकं काय?

मंत्री प्रताप सरनाईक यांनी राष्ट्रवादी काँग्रेसचे अध्यक्ष शरद पवार यांची मुंबईतील त्यांच्या सिल्व्हर ओक या निवासस्थानी भेट घेतली. ही भेट दिवाळीच्या निमित्ताने सदिच्छा भेट असल्याचे सरनाईक यांनी म्हटले आहे. दरवर्षी आपण शरद पवारांना भेटत असतो आणि याही वर्षी दिवाळीच्या शुभेच्छा देण्यासाठी आलो, असे सरनाईक यांनी टीव्ही नाईनशी बोलताना सांगितले. या भेटीमुळे राजकीय वर्तुळात चर्चांना उधाण आले असले तरी, सरनाईक यांनी केवळ दिवाळीच्या शुभेच्छा देणे हाच भेटीचा उद्देश असल्याचे पुन्हा एकदा स्पष्ट केले.

उपमुख्यमंत्री एकनाथ शिंदे यांनी अलीकडेच मुंबई महानगरपालिकेत तिन्ही पक्ष एकत्र लढण्याचे संकेत दिले होते. या पार्श्वभूमीवर, सरनाईक यांनी ठाणे महानगरपालिका निवडणुकीसंदर्भात शिंदे आणि मुख्यमंत्र्यांशी चर्चा करणार असल्याचे म्हटले. मात्र, पवारांशी झालेल्या भेटीबद्दल त्यांनी कोणताही राजकीय अर्थ नाकारत, ही केवळ एक सदिच्छा भेट होती असे सांगितले.