Sanjay Gaikwad : निवडणूक आयोगालाच वटणीवर आणलं पाहिजे, सगळे मनाचे कायदे अन्… संजय गायकवाडांचा हल्लाबोल

एकनाथ शिंदे यांच्या शिवसेनेचे आमदार संजय गायकवाड यांनी निवडणूक आयोगाच्या कामकाजावर गंभीर प्रश्नचिन्ह उपस्थित केले आहे. संजय गायकवाड यांच्या मते, निवडणूक आयोगाने मतमोजणीचे निकाल लांबवण्याची गरज नव्हती, कारण यामुळे स्थानिक प्रशासकीय कामे २० दिवसांसाठी थांबली आहेत. ही कृती अयोग्य असून, महाराष्ट्रातील केवळ तीन-चार नगरपालिकांमधील समस्यांसाठी २९० हून अधिक स्थानिक स्वराज्य संस्थांचे निकाल थांबवणे योग्य नाही.

संजय गायकवाड यांनी आयोगावर मतदार याद्यांमधील बोगस, खोटी आणि मृत नावे न काढण्याचा आरोप केला आहे. तसेच, पात्र तरुण मतदारांची नावे समाविष्ट केली जात नसल्याचेही त्यांनी म्हटले आहे. निवडणूक आयोगाला वटणीवर आणण्यासाठी सरकारने कायदे करावेत, अशी मागणी गायकवाडांनी केली आहे, जेणेकरून खऱ्या अर्थाने पारदर्शक निवडणुका होतील आणि जास्तीत जास्त मतदारांना त्यांचा हक्क बजावता येईल.