ठाकरे बंधूंची युती; मविआला डोकेदुखी! पवारांच्या राष्ट्रवादीला फक्त 16 जागांचा प्रस्ताव?

मुंबईत अजित पवारांच्या नेतृत्वाखालील राष्ट्रवादी काँग्रेस स्वबळावर निवडणूक लढणार असल्याची माहिती सूत्रांनी दिली आहे. प्रचाराची जबाबदारी नवाब मलिक यांच्याकडे असून, पक्ष शंभर जागांवर निवडणूक लढवण्याचा विचार करत आहे. भारतीय जनता पक्ष (भाजप) आणि एकनाथ शिंदे गटाने मलिक यांच्या नेतृत्वाखाली राष्ट्रवादीला सोबत घेण्यास विरोध दर्शवला आहे. मुंबईमध्ये ठाकरे बंधूंनी शरद पवारांच्या राष्ट्रवादी काँग्रेसला केवळ 16 जागांचा प्रस्ताव दिल्याने कोंडी निर्माण झाली आहे.

ठाण्यात भाजप-शिवसेनेतील 12 जागांवरून युतीची चर्चा अडकली असून, तिसरी बैठकही अनिर्णित राहिली आहे. पुण्यात महायुतीचा जागावाटपाचा तिढा आज सुटण्याची शक्यता आहे, ज्यात देवेंद्र फडणवीस आणि एकनाथ शिंदे यांच्या बैठकीत निर्णय अपेक्षित आहे. भाजपने पुण्याची पहिली यादी आज रात्री उशिरा जाहीर करण्याची तयारी केली आहे. पुण्यात महाविकास आघाडीवर शिक्कामोर्तब झाले असून, तीन प्रमुख पक्ष 50-50 जागा लढवणार आहेत, तर उर्वरित 15 जागा मित्रपक्षांना देण्याचे ठरले आहे. उद्धव ठाकरे आज सकाळी 11 वाजता शिवसेना भवनात पदाधिकाऱ्यांशी संवाद साधणार आहेत.