Thackeray Brothers : 4 ऑक्टोबरच्या महामोर्चाचा मार्ग आज ठरणार? राज-उद्धव ठाकरे 11.30 वाजता पत्रकार परिषद घेणार; भायखळा ते…

निवडणूक आयोगाविरोधात ४ ऑक्टोबर रोजी ठाकरे बंधूंच्या नेतृत्वाखालील शिवसेना (ठाकरे गट) आणि महाराष्ट्र नवनिर्माण सेनेतर्फे संयुक्त मोर्चाचे आयोजन करण्यात आले आहे. या मोर्चासाठी विविध मार्गांची सध्या चाचपणी सुरू असून, त्यात भायखळा ते आझाद मैदान, मेट्रो सिनेमा ते आझाद मैदान आणि गिरगाव चौपाटी ते आझाद मैदान या मार्गांचा समावेश आहे.

या संदर्भात काल दोन्ही पक्षांच्या नेत्यांनी प्रस्तावित मोर्चा मार्गांची प्राथमिक पाहणी केली. आज सकाळी ११:३० वाजता राज ठाकरे यांच्या निवासस्थानी पत्रकार परिषद होणार आहे. या पत्रकार परिषदेत राज ठाकरे आणि उद्धव ठाकरे हे मोर्चाच्या अंतिम मार्गाची आणि इतर तपशिलांची माहिती देतील अशी अपेक्षा आहे. ४ ऑक्टोबर रोजी होणारा हा मोर्चा सकाळी निघणार हे निश्चित असले तरी, अंतिम ठिकाण आजच्या पत्रकार परिषदेत स्पष्ट होईल.