ठाकरे बंधु सहकुटुंब मुंबादेवीच्या दर्शनाला | VIDEO

मकर संक्रांतीच्या शुभमुहूर्तावर ठाकरे बंधू, राज ठाकरे आणि उद्धव ठाकरे, आपल्या संपूर्ण कुटुंबासह मुंबादेवीच्या दर्शनासाठी रवाना झाले. उद्या होणाऱ्या महानगरपालिका निवडणुकीच्या आदल्या दिवशी त्यांनी देवीचे आशीर्वाद घेतले.

सकाळी उद्धव ठाकरे आपल्या कुटुंबासह मातोश्रीवरून राज ठाकरे यांच्या शिवतीर्थ निवासस्थानी आले. येथे काही वेळ घालवल्यानंतर ठाकरे कुटुंब एकत्रितपणे मुंबादेवी मंदिराकडे निघाले. शर्मिला ठाकरे यांनी शिवतीर्थ येथे आलेल्या कार्यकर्त्यांना तिळगूळ वाटप केले.

यावेळी राज ठाकरे यांनी माध्यमांशी संवाद साधताना ईव्हीएम आणि मतदारांनी जागरूक राहण्याबाबत काही महत्त्वाचे मुद्दे उपस्थित केले. संजय राऊत हे देखील राज ठाकरे यांच्यासोबत एका गाडीत मुंबादेवी दर्शनासाठी जाताना दिसले. महिला मंडळ, ज्यात शर्मिला ठाकरे, रश्मी ठाकरे, जयजयवंती ठाकरे आणि रिटा गुप्ता यांचा समावेश होता, त्या देखील वेगळ्या गाडीतून दर्शनासाठी निघाल्या होत्या. निवडणुकीच्या तोंडावर ठाकरे कुटुंबाचे हे एकत्रित दर्शन महत्त्वपूर्ण मानले जात आहे.