भाजप आणि शिंदेसेनेच्या कार्यकर्त्यांमध्ये जोरदार राडा! पाहा व्हिडीओ

ठाणे जिल्ह्यात स्थानिक राजकारण तापले असून, भाजप आणि मुख्यमंत्री एकनाथ शिंदे यांच्या नेतृत्वाखालील शिवसेनेच्या कार्यकर्त्यांमध्ये संघर्ष तीव्र झाला आहे. अंबरनाथ नगरपरिषदेबाहेर दोन्ही पक्षांच्या कार्यकर्त्यांमध्ये जोरदार राडा झाला. उपनगराध्यक्ष पदाच्या निवडणुकीत शिंदे गटाच्या शिवसेनेने भाजपचा पराभव केल्याने तणाव वाढला आणि दोन्ही पक्षाचे कार्यकर्ते आमनेसामने आले.

याचबरोबर, डोंबिवलीमध्येही भाजप आणि शिंदे गटाच्या शिवसैनिकांमध्ये हाणामारीची घटना घडली आहे. या प्रकरणी पाच ते सहा जणांविरोधात गुन्हे दाखल करण्यात आले आहेत. मारहाणीच्या या घटनेत एका उमेदवारासह एकूण चार जण जखमी झाले असून, त्यांना एम्स हॉस्पिटल, मानपाडा येथे उपचारांसाठी दाखल करण्यात आले आहे. प्राथमिक माहितीनुसार, पैसे वाटपाच्या आरोपावरून हा वाद उफाळून आला होता. भाजप कार्यकर्त्यांवर कोयत्यानं हल्ला झाल्याचा गंभीर आरोपही करण्यात आला आहे. प्रचारादरम्यान झालेल्या या भांडणाप्रकरणी पाच ओळखीच्या व्यक्तींसह इतरांविरुद्ध डोंबिवली पोलीस ठाण्यात गुन्हा नोंदवण्यात आला असून, पाच आरोपींना अटक करण्यात आली आहे.