Udayanraje Bhosale Video : ‘… त्यांना डोकं चेक करण्याची गरज’, उदयनराजेंचा पुणे पोलीस आयुक्तांना सल्ला

पुणे पोलीस आयुक्त यांनी राहुल सोलापूरकरला प्रथमदर्शनी क्लिनचीट दिल्यानंतर उदयनराजे यांनी संताप व्यक्त केला. राहुल सोलापूरकर, शिवाजी महाराज आणि डॉक्टर बाबासाहेब आंबेडकर यांच्याबद्दल जो बोलला त्यामध्ये प्रथमदर्शनी कोणताही गुन्हा वाटत नाही, असं वक्तव्य चक्क पुण्याचे पोलीस आयुक्त अमितेश कुमार यांनी केलं. त्यावर अमितेश कुमार यांना एकदा डोकं चेक करून घेण्याची गरज असल्याचा सल्ला उदयनराजे यांनी दिलाय.दरम्यान पोलीस नाही तर सरकारच्या आशीर्वादानेच राहुल सोलापूरकरवर कारवाई होत नसल्याचा आरोप मनोज जरांगे पाटील यांनी केला. विशेष म्हणजे अनेक सत्ताधारी आणि विरोधक देखील राहुल सोलापूरकरवर कारवाईची मागणी करत आहेत. तीस पेक्षा जास्त संस्था आणि संघटनांनी सोलापूरकर विरोधात आंदोलन केली आहे. समाज माध्यमातून सोलापूरकर विरोधात तीव्र संताप व्यक्त झाला आहे. ज्या भांडारकर संशोधन मंडळामध्ये सोलापूरकर विश्वस्त होता त्या संस्थेने देखील वादग्रस्त वक्तव्याबद्दल त्याचा राजीनामा घेतला आहे. सोलापूरकरच्या सोसायटी भोवतीच्या पोलीस बंदोबस्ताने वैतागलेल्या शेजारच्यांनी देखील सोलापूरकर विरोधात कारवाईची मागणी केली आहे. मात्र इतके दिवस लोटल्यानंतरही सोलापूरकर विरोधात साधा गुन्हा देखील दाखल झालेला नाही. बघा यासंदर्भातील स्पेशल रिपोर्ट…