Sanjay Raut : ‘शिंदे, पवार तोंडाला पोपट बांधून फिरतात’, संजय राऊत नेमकं काय म्हणाले?

‘आमदार अमित गोरखे यांचे भिसे म्हणून पीए आहेत. या भिसेंची ती पत्नी आहे. विचार करा. भाजपच्या कार्यकर्त्याची पत्नी. तिच्यासाठी फडणवीस यांच्या कार्यालयातून रुग्णालयात फोन गेला असं सांगितलं जातं. तरीही त्या महिलेवर ही वेळ आली. एका मातेचा करूण अंत झाला. काय करतात फडणवीस’, असं म्हणत संजय राऊत यांनी निशाणा साधला. पुढे ते असेही म्हणाले, सरकारला १०० दिवस झाले म्हणून भविष्याचा वेध घेत बसले आहेत. गोरगरीबांची कामे ही फडणवीस यांच्या लेव्हलची नाही. त्यांची लेव्हल खूप मोठी आहे. गोरगरीब मध्यमवर्गीय यांची कामे तडफडून मरतात, शेतकरी तडफडून मरतात, योजना कागदावर आहेत. पोपटपंची करत एकनाथ शिंदे आणि अजित पवार तोंडाला पोपट बांधून फिरतात, असं म्हणत राऊतांनी सरकारवर जिव्हारी लागणारी टीका केली.

इतकंच नाहीतर ‘फडणवीस यांची झेप मोठी आहे. अदानी, अंबानी, टाटा, बिर्ला, ठेकेदार मोठमोठे. त्यांची कामे होत आहे. त्यांची लेव्हल ती आहे. त्यामुळे फडणवीस यांना त्यांच्या लेव्हलची कामे सांगितली पाहिजे. ते छोटेमोठे काम करणार नाही. त्यांच्या पक्षाला ही सवयच नाही. त्यांची लेव्हल खूप वर गेली आहे. असे भाजपचे कार्यकर्ते तडफडून मरत आहे, बायका मुले… आरोग्य सेवेचे धिंडवडे निघाले आहे. मंत्रालयात बसून दम देणं सोपं असतं’, असं राऊत म्हणाले.