मीनाताईंच्या स्मृतीस्थळी ठाकरे कुटुंबीय; उद्धव-रश्मी ठाकरेंनी वाहिली आदरांजली

मासाहेब मीनाताई ठाकरे यांच्या स्मृतीदिनानिमित्त शिवसेना पक्षप्रमुख उद्धव ठाकरे आणि रश्मी ठाकरे यांनी दादर येथील शिवाजी पार्कमधील त्यांच्या स्मृतीस्थळी विनम्र अभिवादन केले. यावेळी उद्धव ठाकरे आणि रश्मी ठाकरे यांनी मीनाताई ठाकरे यांच्या प्रतिमेला पुष्पहार अर्पण करून आदरांजली वाहिली. या कार्यक्रमाला खासदार अनिल परब, विशाखा राऊत, श्रद्धा जाधव यांच्यासह अनेक पदाधिकारी आणि कार्यकर्ते उपस्थित होते.

सकाळपासूनच मीनाताई ठाकरे यांच्या स्मृतीला उजाळा देण्यासाठी भजनी कार्यक्रम आणि सुगम संगीताचे आयोजन करण्यात आले होते. या माध्यमातून भावपूर्ण श्रद्धांजली अर्पण करण्यात आली. पक्षाच्या वतीने या कार्यक्रमाचे यशस्वी आयोजन करणाऱ्यांचे आभार मानण्यात आले. मीनाताई ठाकरे यांच्या कार्याचे स्मरण करत मान्यवरांनी त्यांना आदराने वंदन केले.