नवी मुंबई ढगाळ वातावरणाची निर्मिती, पाऊसाचीही शक्यता

नवी मुंबई : सध्या राज्यात अनेक ठिकाणी अवकाळीने हजेरी लावली आहे. अनेक ठिकाणी गारपीट देखिल झाली आहे. यादरम्यान मुंबई आणि कोकण वगळता इतर ठिकाणी पावसाची शक्यता हवामान विभागाकडून वर्तवण्यात आली आहे. त्याप्रमाणे गेल्या दोन दिवसापासून नवी मुंबई आणि परिसरात ढगाळ वातावरणाची निर्मिती झाली आहे. मुंबई उपनगरासह ठाण्यात पाऊस झाल्याचे पहायला मिळाले. दरम्यान नवी मुंबईत ढगाळ वातावरणाची निर्मिती झाल्यामुळे पावसाची दाट शक्यता वर्तवण्यात येत आहे. तर अजून दोन दिवस ढगाळ वातावरणात राहणार असून पावसाची शक्यता हवामान खात्याकडून वर्तवण्यात येत आहे.