भाजपविरोधात नवीन समीकरण? उरण पालिकेत मविआ आणि मनसे युती

उरण नगरपालिकेच्या निवडणुकीसाठी महाविकास आघाडी (MVA) आणि महाराष्ट्र नवनिर्माण सेना (MNS) यांनी एकत्र येत युती जाहीर केली आहे. या युतीमुळे उरणच्या स्थानिक राजकारणात नवीन समीकरण उदयास आले आहे. प्रचाराच्या बॅनरवर मविआच्या नेत्यांसोबत महाराष्ट्र नवनिर्माण सेनेचे अध्यक्ष राज ठाकरे यांचाही फोटो दिसत आहे. मनसेने महाविकास आघाडीला उरण नगरपालिकेच्या निवडणुकीत पाठिंबा दिला असून, महाविकास आघाडीच्या उमेदवारांनी आपले अर्ज दाखल केले आहेत. ही युती भाजपला नगरपालिका निवडणुकीत आव्हान देणार असून, भाजप स्वबळावर निवडणूक लढवणार असल्याचे बोलले जात आहे. या राजकीय घडामोडींमुळे उरणमधील निवडणूक लक्षवेधी ठरण्याची शक्यता आहे.