Vande Mataram Row : आझमींच्या घराजवळ तर अमीन पटेल, अस्लम शेख यांच्याविरोधात भाजपकडून वंदे मातरम्! BMC निवडणुकीपूर्वी राजकीय घमासान

मुंबई महापालिका निवडणुकीच्या तोंडावर वंदे मातरम गीतावरून राजकीय वातावरण तापले आहे. समाजवादी पक्षाचे आमदार अबू आझमी यांनी राज्यातील शाळांमध्ये वंदे मातरम गायनाच्या सरकारी आदेशाला विरोध दर्शवला होता. या पार्श्वभूमीवर भाजपने आज अबू आझमी यांच्या घराबाहेर वंदे मातरमचे सामूहिक गायन केले.

भाजपच्या मते, वंदे मातरम हा भारताचा नारा आहे आणि त्याला विरोध करणे चुकीचे आहे. याव्यतिरिक्त, भाजपने काँग्रेसचे नेते अमीन पटेल आणि अस्लम शेख यांच्या कार्यालयांबाहेरही वंदे मातरमच्या सामूहिक गायनाचे कार्यक्रम आयोजित केले. अमीन पटेल यांच्यावर याकूब मेमनला फाशी माफ करण्याच्या पत्रावर स्वाक्षरी केल्याचा आरोप भाजपने केला. अस्लम शेख यांनी याला महानगरपालिका निवडणुकीसाठी केलेली नौटंकी म्हटले. या घटनेमुळे मुंबईतील राजकीय संघर्ष अधिक तीव्र झाला आहे.