Radhakrishna Vikhepatil | आता शिष्टमंडळ पुन्हा चर्चेला जाणार नाही! राधाकृष्ण विखे-पाटलांचा जरांगेंना स्पष्ट संदेश

मराठा आरक्षणाच्या मुद्द्यावर राज्य सरकारने आवश्यक ती पाऊले उचलली असून, मनोज जरांगे पाटील यांनी आता याला सकारात्मक प्रतिसाद दिला पाहिजे, असे स्पष्ट मत राज्याचे मंत्री राधाकृष्ण विखे-पाटील यांनी व्यक्त केले. वर्षा निवासस्थानी झालेल्या बैठकीनंतर ते बोलत होते. जरांगे पाटील अजूनही माघार घ्यायला तयार नसल्याबद्दल त्यांनी चिंता व्यक्त केली.

सरकारने मराठा समाजाच्या हितासाठी अनेक निर्णय घेतले असून, त्यांची अंमलबजावणीही सुरू आहे, असे विखे-पाटील यांनी सांगितले. ५८ लाख नोंदींच्या मुद्यावर सर्व ग्रामपंचायतींमध्ये नोंदी प्रदर्शित केल्या आहेत, तरीही दाखल्यांसाठी केवळ २४ अर्ज आले आहेत. ३.५ लाख कुणबी नोंदीचे दाखले दिले असून, साडेतीन लाख मुलांनी एसईबीसी आरक्षणाचे दाखले काढले आहेत, असे त्यांनी नमूद केले. सरकारने पुढाकार घेतलेला असतानाही जरांगे पाटील अजूनही असमाधानी असल्याबद्दल त्यांनी नाराजी व्यक्त केली. आता शिष्टमंडळ पुन्हा चर्चेसाठी जाणार नाही, कारण सरकारने आपली भूमिका स्पष्ट केली आहे.