हमी भावाने गहु खरेदीचा नवा विक्रम, शेतकऱ्यांच्या खात्यात आतापर्यंत 84,369 कोटी रुपये जमा
केंद्र सरकारने सोमवारी (5 जुलै) 2021-22 रब्बी हंगामात आतापर्यंत 433.24 लाख टन गहु खरेदी करत नवा विक्रम केलाय. 2020-21 (ऑक्टोबर-सप्टेंबर) या काळात 4 जुलैपर्यंत रेकॉर्ड ब्रेक 862.01 लाख टन गहु खरेदी केलाय.
केंद्र सरकारने सोमवारी (5 जुलै) 2021-22 रब्बी हंगामात आतापर्यंत 433.24 लाख टन गहु खरेदी करत नवा विक्रम केलाय. 2020-21 (ऑक्टोबर-सप्टेंबर) या काळात 4 जुलैपर्यंत रेकॉर्ड ब्रेक 862.01 लाख टन गहु खरेदी केलाय.
गहु खरेदीत मागचा विक्रम 389.93 लाख टनाचा होता. तो 2020-21 मधील एप्रिल-मार्च या काळात बनला. एफसीआय आणि राज्य सरकार धान्य किमान आधारभूत किमतीने खरेदी करते.
एफसीआयचे अध्यक्ष आतिश चंद्रा म्हणाले, "रब्बी हंगामात 2021-22 मध्ये आतापर्यंत 433.24 लाख टन गहु खरेदी केलाय. पंजाब, उत्तर प्रदेश, राजस्थान, उत्तराखंड, गुजरात, हिमाचल प्रदेश आणि जम्मू-काश्मीर या राज्यांनी सर्वाधिक कामगिरी केलीय."
"मागील वर्षी 43.35 लाखांच्या तुलनेत यंदा रेकॉर्ड ब्रेक 49.16 लाख शेतकऱ्यांना फायदा झालाय. संपूर्ण देशात 84,369.19 कोटी रुपये आतापर्यंत शेतकऱ्यांना वितरित करण्यात आले आहेत," अशीही माहिती चंद्रा यांनी दिली.
खरीफ सत्रात 2020-21 मध्ये 4 जुलैपर्यंत खरेदी केलेल्या धान्याचं प्रमाण 862.01 लाख टन झालंय. एकूण धान्य खरेदी 900 लाख टनापर्यंत गेलीय.