जळगावातील केळी उत्पादकांची आंतरराष्ट्रीय बाजारपेठेकडे कूच, 20 मेट्रिक टन केळीचा कंटेनर दुबईला रवाना
जळगावातील केळी उत्पादक शेतकऱ्यांनी आंतरराष्ट्रीय बाजारपेठेकडे आपली पावलं टाकायला सुरुवात केली आहे. (Jalgaon banana Famers sent 20 metric tones of bananas to Dubai international market)
जळगाव : जळगाव जिल्ह्यातील तांदलवाडी येथून 20 मेट्रिक टन केळीचा एक कंटेनर नुकताच दुबईला रवाना झाला आहे. यानिमित्ताने जळगावातील केळी उत्पादक शेतकऱ्यांनी आंतरराष्ट्रीय बाजारपेठेकडे आपली पावलं टाकायला सुरुवात केली आहे. (Jalgaon banana Famers sent 20 metric tones of bananas to Dubai international market)
कोट्यवधी रुपयांची उलाढाल
जळगावातील रावेर तालुक्यातील तांदलवाडी हे सुमारे 5 हजार लोकसंख्येचे गाव आहे. या गावातील बहुसंख्य शेतकरी केळीचे उत्पादन घेतात. केळी उत्पादक शेतकरी वर्षाकाठी 350 कंटेनर म्हणजेच सुमारे 7 ते साडेसात हजार मेट्रिक टन निर्यातक्षम केळीचे उत्पादन घेतात. उत्पादित होणाऱ्या केळीपैकी काही माल हा देशांतर्गत स्थानिक बाजारपेठेत तर काही माल हा परदेशात निर्यात होतो. या माध्यमातून कोट्यवधी रुपयांची उलाढाल होत असते.
Jalgaon banana
जीआय मानांकन टॅगखाली पहिल्यांदा केळीची निर्यात
याच गावातील प्रगतशील शेतकरी प्रशांत महाजन यांनी पहिल्यांदा जीआय मानांकित केळीची परदेशात निर्यात केली आहे. आतापर्यंत या गावातील केळीची परदेशात निर्यात होत होती. मात्र, जीआय मानांकन या टॅगखाली पहिल्यांदा केळीची निर्यात झाली आहे. त्यामुळे शेतकऱ्यांचा उत्साह वाढला आहे.
Jalgaon banana
म्हणून थेट दुबईला निर्यात शक्य
ॲग्रिकल्चर अँड प्रोसेसस्ड फूड प्रोडक्ट्स एक्सपोर्ट डेव्हलपमेंट ॲथॉरिटी म्हणजेच ‘अपेडा’ने पुढाकार घेतल्याने आम्हाला जीआय मानांकित केळी दुबईला पाठवता आली. अपेडाने मध्यस्थी करत गुजरातमधील नवसारी येथील देसाई ॲग्री फूड्स नावाच्या कंपनीशी आमचा संवाद साधून दिला. त्यातून 20 मेट्रिक टन जीआय मानांकित केळी ट्रकने मुंबईला नेण्यात आली. तेथून जेएनपीटी बंदरावरून थेट दुबईला निर्यात करता आली, असे प्रशांत महाजन यांनी सांगितले. (Jalgaon banana Famers sent 20 metric tones of bananas to Dubai international market)
संबंधित बातम्या :
मखाना शेतीतून ‘या’ राज्यातील शेतकऱ्यांना 3 ते 4 लाखांची कमाई, जाणून घ्या मखाना शेती नेमकी कशी करतात?