पाणी कमी असलं म्हणून काय झालं, शेतकरी किसन भोसलेंचा ‘हा’ प्रयोग देऊ शकतो लाखोंचा नफा

नांदेडमधील वाघी य़ेथील किसन भोसले या शेतकऱ्यानेही असाच फुलशेतीचा धाडसी निर्णय घेऊन भरगोस नफा मिळवण्याची कमाल करुन दाखवली आहे. (Nanded Nishigandha flower farming)

पाणी कमी असलं म्हणून काय झालं, शेतकरी किसन भोसलेंचा 'हा' प्रयोग देऊ शकतो लाखोंचा नफा
Follow us
| Updated on: Jan 25, 2021 | 10:12 AM

नांदेड : नवीन तंत्रज्ञान आणि कल्पकतेच्या जोरावर आज कित्येक शेतकरी कमी खर्चात लाखोंचे उत्पन्न घेत आहेत. नांदेडमधील वाघी य़ेथील किसन भोसले या शेतकऱ्यानेही असाच फुलशेतीचा धाडसी निर्णय घेऊन भरगोस नफा मिळवण्याची कमाल केली आहे. त्यांनी आपल्या शेतात निशिगंध फुलवलं आहे. निशिगंधाची शेती करुन त्यांनी मराठवाड्यासाऱख्या दुष्काळी पट्ट्यातही कमी खर्चात किफायतशीर शेती करता येऊ शकते याचं उदाहरण घालून दिलं आहे. त्यांच्या या यशस्वी प्रयोगाची सध्या महाराष्ट्रात चांगलीच चर्चा आहे. (Nanded farmer did the successful Nishigandha flower farming)

प्रयोग म्हणून फुलवला निशिगंध

नांदेड हा मराठवाड्यातील दुष्काळी भागात मोडणारा जिल्हा आहे. पर्जन्यमान कमी असल्यामुळे येथे कमी पाण्यावर तग धरु शकणारी पिकं घ्यावी लागतात. वाघी येथील किसन भोसले यांच्याकडे एकूण 10 गुंठे शेती आहे. या शेतात कमी खर्च, कमी पाण्यावर कोणते पीक पिकवू शकतो याचा ते विचार करत होते. याचवेळी त्यांना फुलशेतीचा पर्याय योग्य वाटला. त्यासाठी त्यांनी वेगवेगळी माहिती जमवणे सुरु केले. सखोल अभ्यासानंतर त्यांनी प्रयोग म्हणून शेतात निशिगंधाची शेती करण्याचं ठरवलं. त्यांनी आपल्या 10 गुंठे जमिनीत निशिगंध फुलाची लागवड केली. पाण्याचे योग्य व्यवस्थापन, शेतीचा शास्त्रीय अभ्यास या सर्व गोष्टीमुळे त्यांनी हा प्रयत्न यशस्वी करुन दाखवला. त्यांच्या या प्रयत्नातून भोसले यांना 10 गुंठे शेतीतून वर्षाला साधरणत: 70 ते 80 हजार रुपयांचे उत्पन्न मिळत आहे.

योग्य व्यवस्थापनाने सर्व शक्य

यावेळी त्यांच्या या यशस्वी प्रयोगाबद्दल बोलताना योग्य व्यवस्थापन केल्याने हे सर्व शक्य झाल्याचे सांगितले. निशिगंध या फुलाला कमी खर्च लागतो. तसेच व्यवस्थापनासाठी खर्चही कमी येतो. तसेच, काही बुरशीनाशक फवारणीचा खर्च वगळता अन्य कोणताही अतिरिक्त खर्च त्याला लागत नसल्याचे भोसले सांगतात. ज्या शेतकऱ्यांकडे पाण्याची कमतरता आहे. मात्र, व्यवस्थापन कौशल्याच्या जोरावर काहितरी वेगळं करण्याची इच्छा असणाऱ्या शेतकऱ्यांसाठी निशिगंधाची शेती करण्याचा योग्य पर्याय असल्याचे भोसले सांगतात.

साताऱ्यातही गोमुत्र, शेणखताचा वापर करुन फुलशेती

शेतात निशिगंध फुलवण्याचा महाराष्ट्रातील हा काही पहिलाच प्रयोग नाही. साताऱ्यातील श्रीकांत नलावडे यांनी दोन वर्षांपूर्वी निशिगंधाची शेती करण्याचा प्रयोग केला होता. यावेळी आपल्या 30 गुंठे शेतात त्यांनी निशिगंध लावला होता. या शेतीमध्ये त्यांना भरगोस नफाही मिळाला होता. शास्त्रीय नियोजन करुन त्यांनी ही फुलशेती केली होती. त्यासाठी त्यांनी गोमुत्र, शेणखत, ठिबक सिंचनाचा खुबीने वापर केला होता. निशिगंधाची लागवड करण्यापूर्वी नागरणी करताना त्यांनी शेतात शेणखत मिसळला होता. त्यांनतर चार फुटांचे बेट उभारत त्यावर सव्वा फुटांच्या अंतरात त्यांनी निशिगंध फुलाची लागवड केली होती. पाण्याची कमतरता असल्यामुळे नलावडे यांनी ठिबक सिंचनाच्या माध्यमातून पाण्याचे योग्य नियोजन करत शेतात निशिगंधाची शेती केली होती. त्यांच्याही या प्रयोगाची तेव्हा चांगलीच चर्चा झाली होती.

दरम्यान, नांदेडमधील किसन भोसलेंच्या या प्रयोगमुळे मराठवाड्यासाऱख्या भागात तसेच, पाणी कमी असलेल्या भागामध्ये निशिगंध लागवडीसारखे काही वेगळे प्रयोग करुन चांगला नफा मिळवता येऊ शकतो, असे म्हटले जाऊ लागले आहे.

संबंधित बातम्या :

Special Story | नंदूरबारच्या अविनाश पाटलांनी करुन दाखवलं, मिरची शेतीतून 5 महिन्यात कमावले 12 लाख

Special Story | Dragon Fruit चं गुजरातमध्ये नामकरण, महाराष्ट्रातील ड्रॅगन फ्रुट शेतीची स्थिती काय?

आनंदाची बातमी! शेतीसाठी सरकार देतंय 50 हजार रुपये; जाणून घ्या, PKVY योजनेबद्दल सर्व काही

(Nanded farmer did the successful Nishigandha flower farming)

Non Stop LIVE Update
‘लाडकी बहीण’च्या अर्जास उशीर, काळजी करू नका कारण... दादांची मोठी घोषणा
‘लाडकी बहीण’च्या अर्जास उशीर, काळजी करू नका कारण... दादांची मोठी घोषणा.
पवारांचा सर्वपक्षीय बैठकीला खोडा, बारामतीत फोन अन्...; भुजबळांचा आरोप
पवारांचा सर्वपक्षीय बैठकीला खोडा, बारामतीत फोन अन्...; भुजबळांचा आरोप.
ब्रेक फेल कंटेनरची 6-7 वाहनांना धडक अन् कंटनेर नाल्यात झाला पलटी
ब्रेक फेल कंटेनरची 6-7 वाहनांना धडक अन् कंटनेर नाल्यात झाला पलटी.
जरांगे या भुताला बाटलीत बंद करून समुद्रात फेका, कुणी केली खोचक टीका?
जरांगे या भुताला बाटलीत बंद करून समुद्रात फेका, कुणी केली खोचक टीका?.
मान्सून पिकनिकला लोणावळ्यातील भुशी डॅमवर जाताय? तर थोडं थांबा, कारण...
मान्सून पिकनिकला लोणावळ्यातील भुशी डॅमवर जाताय? तर थोडं थांबा, कारण....
अनंत अंबानीचं लग्नात 54 कोटींचं घड्याळ, शाहरुखसह मित्रांना कोटींची भेट
अनंत अंबानीचं लग्नात 54 कोटींचं घड्याळ, शाहरुखसह मित्रांना कोटींची भेट.
'जगबुडी'नं ओलांडली धोक्याची पातळी, पाणी पुलावर, खेड-दापोली मार्ग बंद
'जगबुडी'नं ओलांडली धोक्याची पातळी, पाणी पुलावर, खेड-दापोली मार्ग बंद.
विशालगडावर अज्ञातांकडून दगडफेक, नेमकं काय घडलं? स्थानिकांचा आरोप काय?
विशालगडावर अज्ञातांकडून दगडफेक, नेमकं काय घडलं? स्थानिकांचा आरोप काय?.
खान्देशी गाण्यांवर झुंबा... ZP शाळेतील विद्यार्थ्यांचा व्हिडीओ व्हायरल
खान्देशी गाण्यांवर झुंबा... ZP शाळेतील विद्यार्थ्यांचा व्हिडीओ व्हायरल.
भिवंडीत पावसाची संततधार, 'या' भागात गुडघाभर पाणी अन् रस्त्याची नदी
भिवंडीत पावसाची संततधार, 'या' भागात गुडघाभर पाणी अन् रस्त्याची नदी.