Renault कंपनीची इलेक्ट्रिक कार लाँच, पाहा फीचर आणि किंमत

मुंबई : Renault ने नुकतेच आपल्या कॉम्पॅक्ट एमपीवी ट्रायबरला भारतात लाँच केले. आता कंपनी आपली नवीन फेसलिफ्ट KWID कार लाँच करत आहेत. त्याशिवाय कंपनी KWID चा इलेक्ट्रिक व्हर्जनही (Electronic car)  भारतात लाँच करत आहे. पण यापूर्वी कंपनीने KWID इलेक्ट्रिक (Electronic car) मॉडल चीनमध्ये लाँच केला आहे.

Renault ने KWID ला चीनमध्ये City K-ZE नावाने लाँच केले आहे. ही एक इलेक्ट्रिनिक कार आहे. पेट्रोल कारच्या तुलनेत या कारमध्ये अनेक बदल केले आहेत. पेट्रोल आणि इलेक्ट्रिनिक कारमध्ये फरक दिसवा म्हणून कंपनीने इलेक्ट्रिनिक कारमध्ये अनेक बदले केले आहेत. इलेक्ट्रिनिक कार KWID ची संकल्पना सर्वात पहिली 2018 मध्ये शो करण्यात आली होती.

KWID City K-ZE फुल चार्ज केल्यावर कार 271 किमी धावेल, असा दावा कंपनीने केला आहे. यामध्ये 26.8kWh लिथिअम-आयन बॅटरी पॅक दिलेला आहे. जो 43.3bhp आणि 125Nm टॉर्क जनरेट करते. कारला CMF-A प्लॅटफॉर्मवर तयार केले आहे. या कारचे वैशिष्ट्य बॅटरी आणि इलेक्ट्रिनिक पावरट्रेन आहे.

KWID City K-ZE चा मायलेज चांगला आहे. त्यासोबतच या कारमध्ये फास्ट चार्जिंगची सुविधा मिळते. कारची बॅटरी एसी आणि डीसी दोन्ही फास्ट चार्जिंगला सपोर्ट करते. एक डीसी चार्जर फक्त 30 मिनिटमध्ये बॅटरीला 30 ते 80 टक्के चार्ज करु शकते.

कारमध्ये 8 इंचाचा टचस्क्रीन इंफोटेनमेंट सिस्टम आहे ज्यामुळे आपण स्मार्टफोन कनेक्ट करु शकतो. किंमत पाहिली तर KWID City K-ZE च्या बेस वेरिअंटची किंमत चीनमध्ये 61,800 युआन आहे. जी भारतात अंदाजे 6.22 लाख रुपये आहे. भारतात लवकरच ही कार लाँच केली जाईल. पण या कारची किंमत येथे 10 लाख असेल, असं म्हटलं जात आहे.