७ एअरबॅग, जबरदस्त मायलेज, ८ आसने, Toyota ची नवीन Innova Crysta लाँच

टोयोटाने भारतीय बाजारात तिची दमदार कार इनोव्हा क्रिस्टाचे (Innova Crysta 2026) अपडेट मॉडेल आणले आहे. बधुवारी टोयोटा ब्रँडने या पॉप्युलर एमपीव्हीचे लेटेस्ट अपडेट मॉडेल लाँच केले आहे. अवडेटेड व्हर्जनमध्ये कारचे इंटेरिअर आणि एक्सटिरिअर दोन्हीत बदल केला आहे. मात्र, कारच्या इंजिनात कोणताही बदल केलेला नाही.

इनोव्हा क्रिस्टामध्ये लाँचिंग पासूनच मिळत असलेले २.४ लिटरचे डिझेल इंजिन आणि मॅन्युअल ट्रान्समिशन आताही याच्या सोबत आहेत. शक्यतो हे कारचे अखेरचे अपडेट असणार आहे. इनोव्हा क्रिस्टाला कंपनी साल २०२७ मध्ये बंद करु शकते असे म्हटले जात आहे. मात्र, इनोव्हा हायक्रॉसवर याचा कोणताही परिणाम होणार नाही.

कारमध्ये नवीन काय ?

अपडेटेड टोयोटा इनोव्हा क्रिस्टात रिडिझाईन रेडिएटर ग्रिल मिळू शकते. यात फ्रंट आणि रिअर बंपरला देखील रिडिझाईन केले गेले आहे. ज्यामुळे कारचा लुक आधीहून जास्त बोल्ड झाला आहे. कंपनीचे म्हणणे आहे की या बदल कारला रिफ्रेश लुक देण्यासाठी केला आहे. सोबतच कारची लोकांमध्ये असलेली जुनी ओळखही कायम ठेवली आहे. इंटेरिअरचे बोलायचे झाले तर केबिनमध्ये ड्यु्अल टोन लेदर सीट अपहोल्स्ट्री देण्यात आली आहे. याशिवाय इंस्ट्रमेंट पॅनल, डोअर ट्रिम्सवर वूड पॅटर्नला हायलाईट मिळणार आहे. कारमध्ये वायरलेस चार्जर आणि टायर प्रेशर मॉनिटरिंग सिस्टीम देण्यात आली आहे. मात्र, हा बदल सर्व ट्रिममध्ये मिळणार नाही.

किती आहे किंमत?

नव्या इनोव्हा क्रिस्टा (Innova Crysta 2026) कारची किंमत १९ लाख ७२ हजार रुपये एक्स शोरुमपासून सुरु होते. ही किंमत कारच्या जीएक्स ७ व्हेरिएंटचे आहे. कारची टॉप व्हेरिएंट २६ लाख ६३ हजार रुपयांत येते. इनोव्हा क्रिस्टा ७ सीटर आणि ८ सीटर कॉन्फिग्रेशनवर येते. ही कार पाच कलरच्या पर्यायात मिळते. यात प्लॅटिनम व्हाईट पर्ल, सुपर व्हाईट, सिल्व्हर मॅटेलिक, एटीट्युड ब्लॅक मायका आणि एव्हेंट-गार्डे ब्राँझ मॅटेलिक असे हे कलर आहेत.

कारमध्ये आधीचेच २.४ लिटरचे डिझेल इंजिन मिळत असून जे मॅन्युअर ट्रान्समिशन सोबत येते. कंपनीने दिलेल्या माहिती नुसार ही कार १५ किलोमीटर प्रति लिटरचा मायलेज ऑफर करते. कारमध्ये ७ एअरबॅग, एबीएस, व्हेईकल स्टॅबिलिटी कंट्रोल, हील स्टार्ट असिस्ट आणि इलेक्ट्रॉनिक ब्रेकिंग फोर्स डिस्ट्रीब्युशनचे सेफ्टी पॅकजे मिळते.