टॉप 10 स्कूटर्सची यादीच वाचा अन् कोणतीही खरेदी करा
मे महिन्यात होंडा अॅक्टिव्हाने टॉप 10 स्कूटरच्या यादीत पहिले स्थान पटकावले होते. त्यानंतर टीव्हीएस ज्युपिटर आणि सुझुकी अॅक्सेस तसेच टीव्हीएस एक्सएल, टीव्हीएस आयक्यूब, होंडा डिओ, बजाज चेतक, टीव्हीएस एनटॉर्क, सुझुकी बर्गमन आणि ओला एस 1 या स्कूटर्सने टॉप 01 मध्ये स्थान मिळवले.
टीव्हीएस ज्युपिटर आणि सुझुकी अॅक्सेसने प्रभावी वाढ नोंदविली. मे महिन्याचे वैशिष्ट्य म्हणजे इलेक्ट्रिक स्कूटर सेगमेंटचा उदय, जिथे टीव्हीएस आयक्यूब आणि बजाज चेतकच्या विक्रीत प्रचंड वाढ झाली. त्या तुलनेत ओला S1 मध्ये मोठी घसरण झाली. चला तर मग जाणून घेऊया टॉप 10 स्कूटरच्या लिस्टमध्ये कोणत्या मॉडेल्सचा समावेश आहे.
1. होंडा अॅक्टिव्हा अव्वल, पण विक्रीत घट
होंडा अॅक्टिव्हा सर्वाधिक विकली जाणारी स्कूटर ठरली आहे. मात्र, मे 2025 मध्ये त्याच्या विक्रीत 11.85 टक्क्यांची घट नोंदवण्यात आली आहे. मे 2025 मध्ये कंपनीने 1,90,713 युनिट्सची विक्री केली, तर गेल्या वर्षी मे महिन्यात 2,16,352 युनिट्सची विक्री झाली होती.
2. टीव्हीएस ज्युपिटरच्या विक्रीत वाढ
मे महिन्यात टीव्हीएस ज्युपिटरने जबरदस्त वाढ दाखवली आहे. त्याच्या विक्रीत वार्षिक 28.70 टक्क्यांनी वाढ झाली आहे. मे 2025 मध्ये 97,606 युनिट्सची विक्री झाली होती, तर गेल्या वर्षी मे मध्ये 75,838 युनिट्सची विक्री झाली होती.
3. सुझुकी अॅक्सेसच्या विक्रीतही वाढ
सुझुकी अॅक्सेस स्कूटरनेही चांगली वाढ नोंदवली आहे. त्याच्या विक्रीत वार्षिक 16.92 टक्क्यांनी वाढ झाली आहे. मे 2025 मध्ये 75,778 ग्राहकांनी खरेदी केली होती, तर मे 2024 मध्ये 64,812 युनिट्सची विक्री झाली होती.
4. टीव्हीएस एक्सएलच्या विक्रीत घट
टीव्हीएस मोटर कंपनीच्या लोकप्रिय मोपेड एक्सएलमध्ये गेल्या महिन्यात 7.75 टक्क्यांची घसरण झाली आहे. मे महिन्यात 37,264 ग्राहक मिळाले होते, तर गेल्या वर्षी मे महिन्यात 40,394 युनिट्सची विक्री झाली होती.
5. टीव्हीएस आयक्यूब
टीव्हीएसची लोकप्रिय इलेक्ट्रिक स्कूटर आयक्यूबने जबरदस्त वाढ दर्शविली आहे. गेल्या महिन्यात त्याच्या विक्रीत 60.43 टक्क्यांनी वाढ झाली आहे. मे 2025 मध्ये 27,642 युनिट्सची विक्री झाली होती, तर गेल्या वर्षी मे मध्ये 17,230 युनिट्सची विक्री झाली होती.
6. होंडा डिओच्या विक्रीत किंचित घट
होंडा डिओ स्कूटर मे 2025 मध्ये 26,220 ग्राहकांनी खरेदी केली होती, जी गेल्या वर्षी मे मध्ये 29,041 युनिट्सच्या तुलनेत 9.71 टक्क्यांनी घटली आहे.
7. बजाज चेतकची विक्री जवळपास दुप्पट
बजाज ऑटोची लोकप्रिय इलेक्ट्रिक स्कूटर चेतकच्या विक्रीत गेल्या महिन्यात 95.83 टक्क्यांची वाढ झाली आहे. मे 2025 मध्ये चेतकने 25,540 युनिट्सची विक्री केली होती, तर गेल्या वर्षी मे मध्ये 13,042 युनिट्स ची विक्री झाली होती.
8. टीव्हीएस एनटॉर्कच्या विक्रीत घट
टीव्हीएसची स्पोर्टी दिसणारी स्कूटर एनटॉर्कच्या विक्रीत मे महिन्यात 13.84 टक्क्यांची घसरण झाली आहे. मे 2025 मध्ये 25,205 ग्राहक प्राप्त झाले, तर गेल्या वर्षी मे मध्ये 29,253 ग्राहक होते.
9. सुझुकी बर्गमनच्या विक्रीत तेजी
सुझुकी बर्गमन स्कूटरने मे 2025 मध्ये 24,688 युनिट्सची विक्री केली, जी गेल्या वर्षी मे महिन्यात 19,523 युनिट्सच्या तुलनेत 26.46 टक्क्यांनी वाढली आहे.
10. ओला एस 1 च्या विक्रीत मोठी घट
ओला इलेक्ट्रिकची लोकप्रिय स्कूटर ओला एस 1 च्या विक्रीत मे महिन्यात 50.52% मोठी घसरण झाली आहे. मे 2025 मध्ये केवळ 18,501 युनिट्सची विक्री झाली, तर गेल्या वर्षी मे महिन्यात 37,389 युनिट्सची विक्री झाली होती.
