इराण युद्धाचा असाही दणका, या BS6 वाहनांना लागणार ब्रेक, बसेस आणि ट्रकवरही परिणाम

इराणवर अमेरिका आणि इस्राईलने २८ फेब्रुवारी रोजी हल्ला केला आहे. यामुळे पश्चिम आशियात मोठे संकट निर्माण झाले आहे. एलपीजी आणि इंधनाचा महत्वाचा मार्ग होर्मुझ सामुद्रधुनी इराणने बंद केल्याने गॅस आणि इंधन पुरवठ्यावर परिणाम झाला आहे. आता या इराण युद्धाचा ऑटो इंडस्ट्रीवर देखील परिणाम होणार आहे. मिळालेल्या माहितीनुसार स्ट्रेट ऑफ होर्मुझ बंद झाल्याने इंडस्ट्रीयल ग्रेड युरियाचा पुरवठ्यावर वाईट परिणाम झाला आहे. त्यामुळे BS6 डीझेल इंजिन चालवण्यासाठी लागणाऱ्या रसायनावर परिणाम झाला आहे. जर येत्या काळात या समस्येवर तोडगा निघाला नाही तर पुढच्या महिन्यात मोठ्या संख्येत बस, ट्रक आणि डिझेलवर चालणाऱ्या प्रवासी कार रस्त्यावर उतरवणे कठीण होऊ शकते.

औद्योगिक ग्रेड युरियाचा पुरवठा ५० ते ६० टक्क्यांपर्यंत दुबई आणि इजिप्तच्या बंदरातून केली जाते. Cartoq च्या बातमीनुसार आवश्यक शिपिंग मार्गांना बंद केल्याने प्रायमरी लाईन्सवर परिणाम झाला आहे. यामुळे मॅन्युफॅक्चरर्सना कच्चा माल मिळण्यासाठी मोठ्या अडचणींचा सामना करावा लागत आहे.

वाहने ठप्प होण्याचा धोका –

या औद्योगिक ग्रेड युरियाचा पुरवठा बंद झाले तर वाहनाचे संचलन ठप्प होण्याचा धोका आहे. BS6 दर्जाचे मॉडर्न डिझेल इंजिन कठोर प्रदुषणाचे नियम पाळण्यासाठी सिलेक्टीव्ह कॅटेलिटिक रिडक्शन सिस्टीमने परिपूर्ण असतात. सिस्टीमला डिझेल एक्झॉस्ट फ्लुईडचा सातत्याने पुरवठा करणे गरजेचे असते. यास सर्वसाधारणपणे AdBlue नावाने ओळखले जाते.

ही प्रक्रीया वाहनांसाठी बंधनकारक

डिझेल एक्झॉस्ट फ्लुईड एक असे सॉल्युशन आहे ज्यास ३२.५ टक्के हाय प्युरिटी इंडस्ट्रीयल युरिया आणि ६७.५ टक्के डिआयोनायज्ड वॉटरपासून तयार केले जाते.या थेट एक्झॉस्ट स्ट्रीममध्ये इंजेक्ट केले जाते. येथे हे हानिकारक नायट्रोजन आणि वॉटर वेपरचे विघटन करते. ही प्रोसेस वाहनांसाठी अनिवार्य आहे. डीईएफ टँक खाली झाल्यानंतर वाहनांचे इंजिन कंट्रोल युनिट ऑटोमॅटिक लिम्प मोडमध्ये जाते. यामुळे वेग आणि पॉवरमध्ये मोठी कमतरता येऊ शकते.

इंजिन बंद केल्यानंतर जोपर्यंत या फ्लुईडला रिफील केले जात नाही, तोपर्यंत सिस्टीम इंजिन पुन्हा स्टार्ट होऊ शकत नाही. त्यामुळे युरियाच्या शिवाय एक मॉडर्न डिझेल वाहन नीटपणे काम करु शकत नाही. इराण युद्धामुळे बाधित झालेला युरिया पुरवठा सुरळीत न झाल्यास डिझेल BS6 दर्जाचे वाहनांच्या निर्मितीवर परिणाम होऊ शकतो.