Loan : कार खरेदी करताना म्युच्युअल फंडाच्या बदल्यात मिळवा कर्ज, कसं ते जाणून घ्या!

मुंबई : कार खरेदी करण्यासाठी कार कर्जाचा पर्याय निवडावा की कार खरेदी करण्यासाठी आणखी चांगले कर्ज पर्याय आहेत. १०० पैकी ९९ प्रकरणांमध्ये, खरेदीदार कार खरेदी करण्यासाठी कार लोनसाठी जाईल. परंतु या युनिट्सची पूर्तता करण्याऐवजी आणि दीर्घकालीन गुंतवणुकीच्या फायद्यांपासून मुक्त होण्याऐवजी MF युनिट्ससाठी कर्ज घेणे आणि कार खरेदी करणे अधिक अर्थपूर्ण आहे.

हे आपण उदाहरणाने समजून घेऊ. ‘क्ष’ व्यक्तीला ३ वर्षाच्या मुदतीसाठी प्रति वर्ष ८.५ % सर्वोत्तम व्याजदराने कार खरेदी करण्यासाठी १५ लाख रुपयांच्या कर्जाची गरज आहे. कार कर्ज घेण्याऐवजी ‘क्ष’ व्यक्तीने त्याच्या म्युच्युअल फंडांवर त्याच रकमेचे (रु. १५ लाख) कर्ज घेतले आहे. त्याने पहिल्या वर्षासाठी दरमहा ३५ हजार, दुसऱ्या वर्षासाठी ४० हजार प्रति महिना आणि तिसऱ्या वर्षासाठी ४५ हजार प्रति महिना परतफेड करण्याचा निर्णय घेतला आहे. तसेच, तो जानेवारी वर्ष २ आणि जानेवारी वर्ष ३ मध्ये वार्षिक १.५ लाखांची दोन मोठी रक्कम देऊ शकतो. खाली देण्यात आलेल्या कार कर्ज आणि रोख्यांवरील कर्ज यांच्यातील फरकावरून कळून येईल.

कार कर्ज

म्युच्युअल फंडाच्या बदल्यात कर्ज

मुद्दल रकमेची लवकर परतफेड केल्यामुळे म्युच्युअल फंडावरील कर्जाचे एकूण व्याज हे कार कर्जाच्या तुलनेत कमी आहे.निश्चित ९९९ रु. प्रक्रिया शुल्क + कर देखील कार कर्जापेक्षा कमी आहे. वरील उदाहरण लक्षात घेता, तुम्ही व्याज आणि अन्य शुल्कावर अंदाजे १४,००० रुपयांची बचत करता.

या व्यतिरिक्त, तुम्हाला मासिक परतफेडीसाठी लवचिकता मिळते, तुम्ही तुमच्या सोयीनुसार कमी-जास्त प्रमाणात परतफेड करू शकता आणि कोणत्याही प्रीपेमेंट शुल्काशिवाय संपूर्ण रक्कम मूळ रकमेसह समायोजित केली जाते. जर तुम्हाला कोठून एकरकमी रक्कम मिळाली आणि ती म्युच्युअल फंड खात्याच्या कर्जामध्ये भरली तर व्याज खूपच कमी होऊ शकते.

आणखी एक मोठी सकारात्मक गोष्ट म्हणजे नोंदणी प्रमाणपत्रावर (आरसी कार्ड) कोणतेही तारण-गहाण नाही. त्यामुळे तुम्हाला कर्ज देणाऱ्याकडून एनओसी घेण्याची आवश्यकता नाही आणि तारण-गहाण काढण्यासाठी आरटीओला भेट देण्याची किंवा मध्यस्थाला ( २ ते ३ हजार रु. ) पैसे देण्याची गरज नाही.

ही तुलना सर्वोत्तम नवीन कार कर्ज दरासाठी विचारात घेण्यासारखी आहे. जर तुम्ही वापरलेली कार विकत घेण्याचे उद्दिष्ट ठेवत असाल, तर म्युच्युअल फंडांवरील कर्ज अधिक किफायतशीर असेल कारण जुन्या कारसाठी कार कर्जावरील व्याज ९% पेक्षा जास्त असेल आणि प्रक्रिया शुल्क देखील जास्त असू शकते. मिरे फियनान्शियल सर्व्हिसेसचे मुख्य कार्यकारी अधिकारी कृष्णा कन्हैया हे कर्ज उपलब्ध करून देत आहेत.