या भारतीय कारने मोठमोठ्या कंपन्यांना टाकले मागे, विक्रीचा आकडा थक्क करणारा!

मुंबई : टाटा मोटर्स (Tata Motors) ने नेक्सन (Nexon) सबकॉम्पैक्ट SUV च्या 5,00,000 युनिट्सची विक्री केली आहे. कंपनीने पुण्यातील रांजणगाव येथील उत्पादन सुविधेतून आपले 5 लाख युनिट विकले आहे. देशांतर्गत वाहन निर्मात्याने 2017 मध्ये हे मॉडेल सादर केले होते आणि तेव्हापासून सुमारे साडेपाच वर्षांत ही कामगिरी केली आहे. ही सध्या टाटाची सर्वाधिक विक्री होणारी कार आणि भारतातील दुसरी सर्वाधिक विक्री होणारी SUV आहे. मार्च 2023 मध्ये, कंपनीने Tata Nexon च्या 14,769 युनिट्सची विक्री केली, जी मागील वर्षी  याच महिन्यात विकल्या गेलेल्या 14,315 युनिट्सपेक्षा किंचित जास्त आहे.

किती आहे किंमत?

Tata Nexon SUV मॉडेल लाइनअप एकूण 65 प्रकारांमध्ये उपलब्ध आहे, ज्यांच्या किंमती 7.80 लाख ते 14.35 लाख रुपये आहेत. पेट्रोल प्रकारांची किंमत 7.80 लाख ते 13 लाख रुपये आहे तर डिझेल मॉडेलची किंमत 10 लाख ते 14.35 लाख रुपये आहे. याचे 30 स्वयंचलित प्रकार आहेत, ज्याची किंमत 9.45 लाख ते 14.35 लाख रुपयांच्या श्रेणीत आहे. या सर्व किंमती एक्स-शोरूम आहेत.

इंजिन सेटअपबद्दल बोलायचे झाल्यास, यात 1.2L, 3-सिलेंडर टर्बो पेट्रोल आणि 1.5L, 4-सिलेंडर टर्बो डिझेलचा पर्याय मिळतो, जे अनुक्रमे 170Nm/120PS आणि 260Nm/115PS आउटपुट देतात. 6-स्पीड मॅन्युअल गिअरबॉक्स संपूर्ण मॉडेल लाइनअपमध्ये मानक आहे तर 6-स्पीड AMT पर्यायी आहे.

टाटा नेक्सॉन लवकरच अपडेट होणार आहे. कॉम्पॅक्ट SUV नवीन आणि अधिक शक्तिशाली 1.2L टर्बो पेट्रोल इंजिनसह आणली जाऊ शकते, जी 125bhp कमाल पॉवर जनरेट करू शकते. त्याचा टॉर्क फिगर 225Nm असेल. नवीनतम स्पाय शॉट्सवरून असे दिसून आले आहे की 2023 टाटा नेक्सॉन फेसलिफ्ट नवीन जांभळ्या रंगाच्या सीट अपहोल्स्ट्री आणि माउंटेड कंट्रोल्ससह नवीन टू-स्पोक स्टीयरिंग व्हीलसह येईल.

वायरलेस अँड्रॉइड ऑटो आणि Apple कारप्लेसाठी सपोर्ट असलेली मोठी 10.25-इंच इंफोटेनमेंट सिस्टम, 7-इंच इन्स्ट्रुमेंट क्लस्टर, 360-डिग्री कॅमेरा, एअर प्युरिफायर, व्हेंटिलेटेड फ्रंट सीट्स आणि सनरूफ यांसारखी वैशिष्ट्ये देखील ऑफरवर असतील.