सर्वसामान्यांना दिलासा, ड्रायव्हिंग लायसन्स, वाहन परवानासह इतर कागदपत्रांबाबत मोठा निर्णय
यापूर्वीही लॉकडाऊन आणि संबंधित निर्बंधांमुळे या कागदपत्रांची वाढवण्याची मुदत ही पाच वेळा वाढवण्यात आली आहे. (Validity of driving license, vehicle documents extended till September 2021)
मुंबई : जर तुमच्याही ड्रायव्हिंग लायसन्स, वाहन परवाना, नोंदणी यासह इतर कोणत्याही कागदपत्रांची वैधता वाढवायची असेल तर काळजी करू नका. कारण नुकतंच सरकारने कागदपत्रांची वैधता वाढवण्याची मुदत सप्टेंबर 2021 पर्यंत वाढवली आहे. रस्ते, परिवहन आणि महामार्ग मंत्रालयाने एक परिपत्रक देऊन यासंदर्भात माहिती दिली आहे. (Validity of driving license, vehicle documents extended till September 2021)
रस्ते, परिवहन आणि महामार्ग मंत्रालयाने दिलेल्या माहितीनुसार, ड्रायव्हिंग लायसन्स, वाहन परवाना, नोंदणी यासारख्या ज्या कागदपत्रांची वैधता 1 फेब्रुवारी 2020 रोजी संपत होती, त्यांची वैधता आता सप्टेंबर 2021 पर्यंत वाढवण्यात आली आहे. त्यामुळे वाहन चालकांना मोठा दिलासा मिळाला आहे. यापूर्वीही लॉकडाऊन आणि संबंधित निर्बंधांमुळे या कागदपत्रांची वाढवण्याची मुदत ही पाच वेळा वाढवण्यात आली आहे. त्यानंतर आता सहाव्या वेळीही सरकारने ही मुदत वाढवण्याचा निर्णय घेतला आहे.
यापूर्वी सरकारने 30 मार्च 2020, 9 जून 2020, 24 ऑगस्ट 2020, 27 डिसेंबर 2020 आणि 26 मार्च 2021 रोजी परिपत्रक काढून वैधता वाढवली होती. सर्व राज्ये आणि केंद्रशासित प्रदेशांना याबाबतचा आदेश सरकारने कळवला होता. तसेच मोटार वाहन कायदा 1988 आणि मध्यवर्ती मोटर वाहन नियम 1989 च्या अंतर्गत ही वैधता वाढण्यात आली आहे.
वैधता संपल्यानंतरही कोणतीही कारवाई नाही
यासोबतच वाहन दुरुस्ती, सर्व प्रकारच्या वाहनांना परवानगी, वाहन चालविण्याचा परवाना, नोंदणी यासंबंधी कागदपत्रांची वैधता ही 30 सप्टेंबर 2021 पर्यंत वाढवण्यात आली आहे. त्यामुळे आता ही कागदपत्रे तपासणारे अधिकारी 30 सप्टेंबरपर्यंत कोणतीही कारवाई करू शकणार नाहीत.
सरकारच्या मते ‘सध्याची परिस्थिती लक्षात घेता या कागदपत्रांची वैधता वाढवण्याचा निर्णय घेण्यात आला आहे. त्यामुळे ज्या कागदपत्रांची वैधता 01 फेब्रुवारी 2020 रोजी किंवा त्यानंतर कालबाह्य होत आहे ती आता 30 सप्टेंबर 2021 पर्यंत वैध असतील, असे स्पष्ट निर्देश देण्यात आले आहेत. (Validity of driving license, vehicle documents extended till September 2021)
Gold Price : सोन्याचा किंमतीत मोठी घसरण, नवे प्रति तोळा दर किती?https://t.co/s3GEO6ErRP #GOLD #goldprices
— TV9 Marathi (@TV9Marathi) June 17, 2021
संबंधित बातम्या :
Gold Price : सोन्याचा किंमतीत मोठी घसरण, तोळ्याचे नवे दर किती?
PAN-AADHAR LINK | तुमचा पॅनकार्ड आधारशी लिंक आहे का? असे करा चेक