10 लाखाच्या आत सीएनजी कार कोणत्या ? हे पर्याय आहेत जबरदस्त, वाचा डिटेल्स
Affordable CNG Cars: या लेखात आम्ही दहा लाखाहून स्वस्तात असलेल्या 5 सीएनजी कारची माहीती देणार आहोत. चांगले मायलेज आणि सेफ्टी आणि फिचर्समुळे मध्यमर्गीयांसाठी या कार बेस्ट पर्याय आहेत.
भारतीय बाजारात पेट्रोल आणि डिझेलच्या वाढत्या किंमतीमुळे सीएनजी कारचे चांगले मार्केट आहे. सीएनजी कार, कमी मायलेज आणि स्वस्त इंधन असल्याने प्रसिद्ध आहेत. पेट्रोल आणि डिझेल कारच्या तुलनेत सीएनजी कार जास्त मायलेज देतात आणि वापरण्यास स्वस्त असतात. आज या लेखात आपण १० लाख रुपये किंमतीपेक्षा कमी किंमतीच्या टॉप – ५ सीएनजी कारची माहिती घेणार आहोत.
Maruti Swift CNG
मारुती स्विफ्ट CNG ही भारतीय बाजारातील सर्वात प्रसिध्द हॅचबॅक कार आहे. या कारची किंमत ८.२० लाख ते ९.२० लाख रुपयांच्या दरम्यान असते. सीएनजी मोडमध्ये ही कार 32.85 Km/kg चा मायलेज देते. सेफ्टीसाटी या कारच्या सर्व व्हेरिएंटमध्ये सहा एअर बॅग मिळतात.तर फिचर्सचा विचार करता यात 7-इंचाचा टचस्क्रीन इंफोटेनमेंट सिस्टम आणि ऑटोमॅटीक क्लायमेट कंट्रोल देण्यात आला आहे. स्टायलिश डिझाईन आणि विश्वासार्ह परफॉर्मेंसमुळे ही कार मध्यम वर्गीय कुटुंबासाठी बेस्ट पर्याय आहे.
Tata Punch CNG
जर तुम्हाला सीएनजी सुव्ह घ्यायची असेल तर Tata Punch CNG तुमच्यासाठी योग्य ठरु शकते. हीची किंमत ७.३० ते १०.१७ लाख रुपयांदरम्यान आहे. ARAIच्या मते ही कार २६.९९ Km/kg चे मायलेज देते. यात ड्युअल सिलींडर CNG टेक्नोलॉजी, १०.२५ इंचाचा इंफोटेनमेंट सिस्टीम, ड्युअर एअरबॅग आणि मजबूत बॉडी असे फिचर्स आहेत. मायक्रो-UV डिझाईन आणि सेफ्टी स्टँडर्ड्स यास कमी बजेटमध्ये यास बेस्ट सुव्ह ठरवतात.
Maruti WagonR CNG
Maruti Suzuki WagonR CNG ही भारताची सर्वात जास्त मायलेज देणारी सीएनजी कार आहे. याची किंमत ६.६९ लाख ते ७.१४ लाख रुपयांपर्यंत असते. या कारचे मायलेज ३४.०५ km/kg असल्याने डेली प्रवास करण्यासाठी उत्तम कार आहे. १.० लिटरचे K-Series चे इंजिनासोबत या कारला कमी देखभाल आणि मारुतीचे सर्व्हिस सेंटरचे नेटवर्क यामुळे ही कार मध्यमवर्गीयांमध्ये प्रचंड फेमस आहे.
Nissan Magnite CNG
Nissan Magnite CNG एक प्रिमीयम आणि स्टायलिश SUV आहे. हीची किंमत ६.८९ लाख रुपयांपासून सुरु होते. आणि २७.६ Km/kg चा मायलेज देते. फिचरमध्ये या कारमध्ये ३६० डिग्री कॅमेरा, क्रुझ कंट्रोल, व्हायरलेस चार्जर आणि सहा एअर बॅग्सची सुरक्षा आहे. याचे स्टायलिंग डिझाईन आणि व्हॅल्यू फॉर मनी पोझिशनिंग यास खास बनवते. मात्र, निसान कारच्या सर्व्हीस सेंटरचे जाळे कमी आहे.त्यामुळे छोट्या शहरात थोडी अडचण निर्माण होऊ शकते.
