आर्सेलर मित्तलची बक्कळ कमाई; कर्ज घटलं, उत्पन्नात 80 टक्क्यांनी वाढ
स्टील जगतातील आघाडीची कंपनी मानली जाते. जानेवारी ते डिसेंबर हे कार्यवाहीसाठी आर्थिक वर्ष (Base Year) म्हणून गणले जाते. समान कालावधीत गेल्या आर्थिक तिमाहित कंपनीचं निव्वळ उत्पन्न $2,285 मिलियन होते.
नवी दिल्ली : उद्योग जगतातील आघाडीच्या कंपन्यांचे तिमाही अहवाल समोर येत आहे. जागतिक स्टील क्षेत्रातील(Steel Production) अग्रणी मानल्या जाणाऱ्या आर्सेलरमित्तलनं तिमाही अहवाल नुकताच जारी केला आहे. मित्तल स्टीलच्या गंगाजळीत बक्कळ कमाईची भर पडली आहे. पहिल्या आर्थिक तिमाहीत कंपनीच्या निव्वळ उत्पन्नात 80.52 टक्क्यांची वाढ नोंदविली गेली असून उत्पन्नात $4,125 मिलियन (अंदाजित 31,350 कोटी रुपये) डॉलरची भर पडली आहे. स्टील जगतातील आघाडीची कंपनी मानली जाते. जानेवारी ते डिसेंबर हे कार्यवाहीसाठी आर्थिक वर्ष (Base Year) म्हणून गणले जाते. समान कालावधीत गेल्या आर्थिक तिमाहित कंपनीचं निव्वळ उत्पन्न $2,285 मिलियन होते. जागतिक स्तरावरील आर्सेलर मित्तल (Arcelor Mittal) ही स्टील व खाण क्षेत्रातील अग्रगण्य कंपनी मानली जाते. कंपनी आपल्या आर्थिक कामकाजासाठी जानेवारी-डिसेंबर वर्ष प्रमाण मानते. (Buisness update in Marathi Arcelor Mittal reports first quarter 2022 results)
कर्जात घट, नफ्यात वाढ
कंपनीच्या कर्जात देखील घट झाल्याचे कंपनीने प्रकाशित केलेल्या स्टेटमेंटवरुन दिसून आलं आहे. कंपनीच्या डोक्यावरील कर्जाचा भार $878 मिलियन वरुन $3.2 बिलियन डॉलरवर पोहोचला आहे. कंपनीने जाहीर केलेल्या स्टेटमेंटनुसार, समान आर्थिक तिमाहीत क्रूड स्टीलचे उत्पादन 16.3 मिलियन टनावरुन 17.6 मिलियन टनावर पोहोचले आहे.
संकट काळात परीक्षा
पहिल्या आर्थिक तिमाहित रशिया-युक्रेन विवादाचा मोठा फटका बसला. त्यामुळे संकटकाळात सहकार्यात्मक भागीदारी करणाऱ्या घटकांना सहाय्य पुरविणे आमचं कर्तव्य असल्याचं आदित्य मित्तल यांनी म्हटलं आहे. कंपनीने 26000 कंपनीच्या घटकांना मदतीचा हात पुढे केला. रशिया व युक्रेन वादासोबतच वाढत्या महागाईचा देखील फटका बसला. विपरित आर्थिक व सामाजिक संकट काळात कंपनीनं कारभाराचं स्थिर धोरण स्विकारलं. कंपनीचे बिझनेस मॉडेल, प्रॉडक्ट कॅटेगरी यांची मोठी परीक्षा होती, असे मित्तल यांनी म्हटलं आहे.
बलाढ्य पोलाद कंपनी
आर्सेलर मित्तल ही बहुराष्ट्रीय स्टील उत्पादक कंपनी मानली जाते. कंपनीचे मुख्यालय लक्झेंबर्ग शहरात आहे. आर्सेलर मित्तल ही जगातील दुसरी सर्वात मोठी स्टील उत्पादक कंपनी मानली जाते. जगभरातील 60 देशांत विस्तार पावलेल्या आणि 2 लाख कर्मचारी असलेल्या आर्सेलर मित्तलचा जगातील एकूण स्टील उत्पादनांत 10 टक्के वाटा आहे. (Buisness update in Marathi Arcelor Mittal reports first quarter 2022 results)
