AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Chandrayaan-3 : चंद्रावर ‘विक्रम’! या शेअर्सनी पण केला रेकॉर्ड

Chandrayaan-3 : भारताने ऐतिहासिक कामगिरी करत जागतिक महासत्तांना तोंडात बोट घालायला लावलेच. भारताने चंद्रावर विक्रम केला. या प्रकल्पासाठी मदत करणाऱ्या कंपन्यांनी शेअर बाजारात पण रेकॉर्ड केला. त्यांनी अपेक्षेप्रमाणे मोठी उसली घेतली.

Chandrayaan-3 : चंद्रावर 'विक्रम'! या शेअर्सनी पण केला रेकॉर्ड
| Updated on: Aug 24, 2023 | 8:45 AM
Share

नवी दिल्ली | 24 ऑगस्ट 2023 : चंद्रावर भारताने विक्रम केला. विक्रम लँडर बुधवारी, 23 ऑगस्ट 2023 रोजी सांयकाळी 6:04 मिनिटांनी यशस्वीपणे उतरले. भारताने इतिहास रचला. चंद्राच्या दक्षिण ध्रुवावर उतरणारा (Chandrayaan 3 Landing) भारत हा जगातील पहिला देश ठरला. या मोहिमेत अनेक सरकारी आणि खासगी कंपन्यांनी मोठे योगदान दिले होते. त्यांचे शेअर चांगली कामगिरी करतील, ही अपेक्षा शेअर बाजाराला (Share Market) गेल्या काही दिवसांपासून होती. त्यानुसार, काल बाजारात या शेअर्संनी चमकदार कामगिरी बजावली. या शेअरमध्ये जोरदार उसळी आली. या शेअर्संनी बाजारात रेकॉर्ड केला. त्यामुळे गुंतवणूकदारांना चंद्रयान-3 मोहिमेचा द्विगुणित आनंद झाला. हे शेअर आता अजून धावतील, असा तज्ज्ञांचा अंदाज आहे. भारतीय अवकाश संशोधन संस्था, इस्त्रोने भविष्यात अनेक मोहिमा आखल्या आहेत. त्याचा फायदा या कंपन्यांना नक्कीच होणार आहे.

या क्षेत्रातील कंपन्यांना फायदा

चंद्रयान मोहिमेबाबत अवघा देश एक झाला होता. सॉफ्ट लँडिंगसाठी अनेकांनी देव पाण्यात ठेवले होते. प्रार्थना सुरु होत्या. अपेक्षेप्रमाणे सॉफ्ट लँडिंग झाले. लँडर विक्रम उतरले आणि त्यासोबतचे रोव्हर प्रज्ञान पण उतरले. शेअर बाजाराचे संपूर्ण लक्ष या घडामोडींकडे होते. विमान, अंतराळ आणि रक्षा क्षेत्र, एअरोस्पेस, अंतराळ तंत्रज्ञान, इंधनपूर्ती, इलेक्ट्रॉनिक्स, तांत्रिक उत्पादनं करणाऱ्या कंपन्या यांच्यावर या घडामोडींचा थेट परिणाम दिसून आला. या क्षेत्रातील शेअरमध्ये मोठी उलथापालथ झाली.

14.91 टक्के उसळी

  1. चंद्रयान मोहिमेत सहभागी सेंटम इलेक्ट्रॉनिक्स कंपनीच्या शेअरने 14.91 टक्क्यांची उसळी घेतली
  2. पारस डिफेंस अँड स्पेस टेक्नॉलॉजीच्या शेअर 5.47 टक्क्यांनी वधारला
  3. एमटीएआर टेक्नोलॉजीजच्या शेअरने 4.84 टक्क्यांची सलामी दिली
  4. हिंदुस्तान एरोनॉटिक्स लिमिटेडच्या शेअरमध्ये 3.57 टक्क्यांची तेजी दिसून आली
  5. रक्षा क्षेत्राशी संबंधित भारत फोर्ज कंपनीचा शेअर 2.82 टक्क्यांनी वधारला
  6. अस्त्रा मायक्रोव्हेव प्रोडक्ट्स कंपनीचा शेअर 1.72 टक्क्यांनी वाढला
  7. लार्सन अँड टुब्रोच्या शेअरमध्ये 1.42 टक्क्यांची तेजी आली.
  8. बाजारातील ट्रेडिगदरम्यान हे शेअर या वर्षांतील उच्चांकावर पोहचले होते

कमाईच कमाई

2040 पर्यंत भारताची मून इकॉनॉमी जोरदार असेल. चंद्राची अर्थव्यवस्थेत भारत आता अग्रेसर होईल. त्यामाध्यमातून मोठी कमाई साधता येईल. जवळपास 4200 कोटींची कमाई होण्याचा अंदाज आहे. चंद्रापर्यंत जाण्यासाठी ट्रान्सपोर्ट व्यवस्था झालेली असेल. त्यामाध्यमातून नियमीत कालावधीत यान ये-जा करतील. ही दळणवळण व्यवस्था 42 अब्ज डॉलरवर पोहचेल. त्यामुळे या क्षेत्रातील कंपन्या शेअर बाजारात दादा असतील हे वेगळं सांगायला नको.

भारताला मोठी संधी

चंद्राच्या दक्षिण ध्रुवावर झेंडा रोवणारा भारत हा जगातील पहिला देश ठरला आहे. भविष्यात इतर देश मोहिमा आखतील. तोपर्यंत भारताला मोठी संधी आहे. अमेरिका, रशिया आणि चीनने यापूर्वी चंद्रावर स्वारी केली आहे. पण दक्षिण ध्रुवावर त्यांना मजल मारता आलेली नाही. रशियाचा आताचा प्रयत्न अयशस्वी ठरला आहे. त्यामुळे अवकाश आणि अंतराळ क्षेत्रात भरारी घ्यायला भारताला मोठी संधी आहे.

सूचना : हा शेअरचा केवळ लेखाजोखा आहे. या शेअरची कामगिरी आहे. गुंतवणूक करण्यापूर्वी तुम्ही प्रमाणित गुंतवणूक सल्लागाराकडून सल्ला आवश्य घ्या. तुमचा कोणत्या ही प्रकारचा फायदा अथवा नुकसानीला TV9 मराठी जबाबदार नसेल.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी